श्रीलंका यु-१९ क्रिकेट टिमसंग युथ एसिया कपमा उत्कृस्ट प्रदर्शन गरेको नेपाली टिमलाई श्रीलंका क्रिकेटले सोमबार सम्मान गरेको छ l
श्रीलंका, कोलोम्बोमा बिहिबार सम्पन्न खेलमा नेपाल मात्र १ रनले पराजित हुनेक्रममा आयोजक रास्ट्र बिरुद्ध उत्कृस्ट क्रिकेट खेलेको थियो l उक्त खेलमा पराजित भएपनि आफ्नो खेलले नेपाली टिमले सबैको वाहवाही बटुलेको थियो l
श्रीलंका क्रिकेटको मुख्यालयमा आयोजित एक कार्यक्रम बीच श्रीलंका क्रिकेटका प्रमुख थिलंगा सुमथीपालाले नेपाली टिमको प्रदर्शनको तारिफ गर्दै टिमलाई अत्यावश्यक क्रिकेट सामग्रीहरु प्रदान गर्नुभएको हो l नेपाली टिमको प्रत्येक सदस्यहरुलाई क्रिकेट ब्याट,प्याड, हेल्मेट लगायत क्रिकेट सामग्रीहरु हौसला स्वरूप सुमथीपालाले प्रदान गर्नुभएको थियो l
प्रतियोगितामा नेपालले श्रीलंका र भारत संग पराजित हुँदा स्तरीय क्रकेट प्रदर्शन गरेको थियो भने मलेसियालाई पराजित गरेपनि पहिलो चरण पार गर्न असफल भएको थियो l
( photo : Sri Lanka Cricket )
