सुदिप सबैभन्दा महँगोमा बिक्रि ,हेर्नुस को कतिमा बिके ( माछापुच्छ्रे क्रिकेट लिग अक्सन )

• विकेटनेपाल, २२ साउन – पोखरा

पोखरामा साउन १६ देखि २८ सम्म संचालन हुने माछापुच्छ्रे क्रिकेट लिगको आज पोखरामा सम्पन्न भएको अक्सनमा सुदिप पौडेल सबैभन्दा महंगा खेलाडी भएका छन् l

पोखराका दायाँ हाते ब्याट्सम्यान सुदिपलाई डाउन टाउन लायन्स पोखरा टिमले रु. १० हजार रुपैयाँमा खरिद गरेको छ l सुदिप क्षेत्र नम्बर ८ पोखराको प्रतिनिधित्व गरेर रास्ट्रिय प्रतियोगिता खेलीसकेका खेलाडी हुन् l

अक्सनमा सहभागी कुल १४१ खेलाडी मध्ये ६ टिम टिमले १४-१४ जना गरि कुल ८४ जना खेलाडी खरिद गरेको छ l सहभागी ६ वटा टिमले अक्सनमा १४ खेलाडी खरिद गर्न ४० हजार रुपैयाँ मात्र खर्च गर्न पाउने नियम थियो l

प्रत्येक टिमको कप्तान यस अघिनै घोषणा गरिसकिएको छ l टिम कप्तानले रु. १० हजार पाउनेछन् l

टिम स्यांजा वारियर्सले बिश्व थापालाई रु. ७,५०० रुपैयाँमा खरिद गरेको छ भने माछापुच्छ्रे लायन्स टिमले मेघनाथ खनाललाई रु. ७,००० मा खरिद गरेको छ l  भीएम वारियर्सले किशन खड्कालाई ७,००० रुपैयाँमा खरिद गर्यो l

खेलाडीको खरिद मूल्य न्यूनतम १ हजार रुपैयाँ देखि सुरु थियो भने अधिकतम एउटा खेलाडीमा रु. २० हजारसम्म टिमले खर्च गर्न पाउने नियम थियो l

केहि प्रमुख खरिद  ( टिम लिस्ट सबैभन्दा तल ) , WicketNepal.com

अक्सनमा ४० जना खेलाडीहरु निम्नतम मूल्य रु. १ हजारमा बिक्रि भए भने १३ जना खेलाडीहरु रु. ५ हजार र त्यो भन्दा माथिको मूल्यमा बिक्रि भएका छन् l

अक्सनमा गण्डकी र धौलागिरी अंचलका खेलाडीहरुलाई मात्र सहभागी गराईएको थियो l

माछापुच्छ्रे क्रिकेट लिगको बिजेता टिमले ३ लाख र उपविजेता टोलिले १ लाख ५० हजार रुपैयाँ पुरस्कार पाउने छ l प्रत्येक म्यान अफ द म्याचले २ हजार रुपैयाँ पाउनेछ भने फाइनल खेलको म्यान अफ द म्याचले ५ हजार रुपैयाँ पाउनेछ l प्रतियोगिताको उत्कृस्ट खेलाडीले रु. २० हजार तथा बेस्ट बलर/ब्याट्सम्यानले १० हजार रुपैयाँ पुरस्कार पाउनेछ l

माछापुच्छ्रे क्रिकेट क्लब र खुकुरी इन्टरटेन्मेन्टको आयोजनामा हुन लागेको प्रतियोगिताका सम्पूर्ण खेलहरु माछापुच्छ्रे क्रिकेट क्लब मैदान पोखरामा हुनेछ l

लिग अन्तर्गत पहिलो चरणमा ६ टिमले एक-अर्कासंग प्रतिस्पर्धा गर्नेछन् l लिग चरणबाट उत्कृस्ट ४ टोलि प्ले अफ चरण प्रवेश गर्नेछन् l लिगको उत्कृस्ट २ टिम बीच खेलको बिजेता सिधा फाइनल प्रवेश गर्नेछ भने उक्त खेलमा हार्ने टिमले लिगमा तेश्रो र चौथो टिम बीच भएको खेलको बिजेतासंग दोश्रो क्वालिफायर खेल खेल्नेछ जुन खेलको बिजेता फाइनल प्रवेश गर्नेछ l

टिम , कप्तान र मालिक 

१. माछापुच्छ्रे लायन्स  – कप्तान – दिपेश खत्री ( माछापुच्छ्रे क्रिकेट क्लब )
२. भीएम वारियर्स – कप्तान – विजय बिके ( बिनोद महर्जन )
३. डाउन टाउन लायन्स पोखरा – कप्तान – राजु गुरुङ ( लायन्स डाउन टाउन पोखरा )
४. इन्फरम्याटिक्स कलेज चिता – कप्तान – प्रविन ढकाल (  इन्फरम्याटिक्स कलेज )
५. परवान टाईटन्स – कप्तान – राजु थापा ( रेशम केसी )
६. केकेएएएफ स्यांग्जा च्यालेन्जर्स – कप्तान – दिवाकर थापा ( खुलुंग एग्रो फार्म स्यांग्जा )

अक्सन पछि टिम लिस्ट