- विकेटनेपाल, पौष ३ – सोमबार
किर्तिपुर मैदानमा आजदेखि सुरु भएको एभरेस्ट प्रिमियर लिग क्रिकेटको पहिलो खेलमा अहिले काठमाण्डौ किंग्स ११ र ललितपुर प्याट्रीयट्स भिडिरहेका छन् ।
टस हारेर पहिले ब्याटिंग गरेको काठमाण्डौले ८९ रनको योगफल बनाउदा १८.३ ओभरमा सबै विकेट गुमाएको छ ।
सुरुको ५ विकेट ३६ रनमा गुमाएको उसका लागि ओपनर अमित श्रेष्ठले एक छेउबाट पारि सम्हाल्दै टिमकालागि सर्बाधिक २७ रन बनाए । उनले २८ बलमा ४ चौका प्रहार गरे । फर्नान्डोले १५ रन बनाउदा सोमपालले १४ रन बनाए भने अतिरिक्त १० रन प्राप्त गर्दा अन्य ब्याट्सम्यानले दोहोरो अंक बनाउन सकेनन् । कप्तान महरूफ़पनि ९ बलमा ७ रन बनाउदै मेहबुब आलमको बलमा आउट भए ।
काठमाण्डौलाई सस्तैमा रोक्न ललितपुरका सागर भाटीले सर्बाधिक ४ विकेट लिन ३.३ ओभरमा १५ रन खर्चे त्यस्तै ललित राजबंशीले ३, मेहबुब आलमले २ तथा योगेश नागरले १ विकेट लिए ।
केहीबेरमा ललितपुर प्याट्रीयट्स लक्ष्य पुरा गर्दै पहिले खेल जित्ने दाउमा मैदानमा उत्रिने छ भने उसले सोमपाल, जितेन्द्र, महरूफ़ जस्ता बलरको सामना गर्नुपर्ने छ ।
