यु-१६ त्रिकोणात्मक सिरिज : विशाल बिष्ट चम्किंदा स्टेपिङ स्टोन विजयी

माघ,१५,धनगढी।

चटकपुर स्पोर्ट्स क्लवको आयोजना तथा सुदुरपश्चिमाञ्चल एकेडेमीको प्रायोजनमा माघ १४ गतेदेखि धनगढीको फाप्ला क्रीकेट मैदानमा जारी प्रथम यु-१६ त्रीकोणात्मक सिरिजको दोश्रो खेलमा स्टेपिङ स्टोन स्कुलका विशाल बिष्ट चम्किदा स्टेपिङ स्टोन स्कुल २८ रनले विजयी हुँदै सिरिजमा पनि विजयी सुरुवात गरेको छ।

प्रथम यु-१६ त्रीकोणात्मक सिरिजको दोश्रो खेलमा स्टेपिङ स्टोन स्कुलले टस जित्दै पहिला ब्याटिङ गर्ने निर्णय लिएको हो। फलस्वरूप, स्टेपिङ स्टोन स्कुलले निर्धारित २० ओभरमा ७ विकेटको क्षतिमा १४७ रन बनाउन सफल भयो। ब्याटिङतर्फ स्टेपिङ स्टोन स्कुलका लागि विशाल बिष्टले १९ बलमा आक्रामक ५६ रनको महत्त्वपूर्ण अर्धशतकिय पारी खेल्न सफल हुँदा विरेन्द्र चन्दले ४६ बलमा ४४ रन तथा शैलेश भण्डारीले ३२ बलमा ११ रन बनाउनुबाहेक अन्य खेलाडीले दोहोरो स्कोर छुन सकेनन्।बलिङतर्फ एभरेष्ट एकेडेमी अत्तरियाका लागि रोशन भाटले १ ओभरमा ६ रन खर्चंदै सर्वाधिक २ विकेट लिन सफल हुँदा अभिषेक कोइराला,भुवन पाली,अशोक चुनारा र तपेन्द्र बुढाले समान १/१ विकेट लिन सफल भए।

१४८ रनको उच्च विजयी लक्ष्य पछ्याउँदै मैदान उत्रेको अत्तरियाको एभरेष्ट एकेडेमीले निर्धारित २० ओभरमा ५ विकेटको क्षति मात्र ११९ रन बनाउन सक्दा खेल २८ रनले गुमाउन पुग्यो। ब्याटिङतर्फ एभरेष्ट एकेडेमीका लागि सन्दिप बिष्टले ४४ बलमा सर्वाधिक ६२ रनको अर्धशतकिय पारी खेल्न सफल हुँदा अभिषेक कोइरालाले १० बलमा १५ रन तथा सुदिप खड्काले १३ बलमा १२ रन बनाउनु बाहेक अन्य खेलाडीले दोहोरो स्कोर छुन सकेनन्। बलिङतर्फ स्टेपिङ स्टोन स्कुलका लागि समिर कुँवर,निर्मल भाट,सन्तोष जोशी,भुपेश जोशी र रोमन बिष्टले समान १/१ विकेट लिन सफल हुँदै आफ्नो टोलिलाइ महत्त्वपूर्ण खेलमा जित दिलाउन सफल भए।

सिरिजको दोश्रो खेल स्टेपिङ स्टोन स्कुलले २८ रनले जित्न सफल हुँदै सिरिजको फाइनल पुग्ने सम्भावनालाई जिवितै राखेको छ।खेलको म्यान अफ दी म्याच स्टेपिङ स्टोन स्कुलका आक्रामक ब्याट्सम्यान विशाल बिष्ट घोषित हुन सफल भए।

सिरिजको तेश्रो खेल भोलि दिउँसो १२ बजेदेखि फाप्ला मैदानमा आयोजक चटकपुर स्पोर्ट्स क्लव र अत्तरियाको एभरेष्ट एकेडेमीबीच हुनेछ।





थप समाचार

प्रधानमन्त्री कप भक्तपुर छनोट :हिमालय र बिएमसीए विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा हिमालय स्पोर्ट्स म्यानेजमेन्ट र बिएमसीए विजयी भएका छन्। मुलपानी मैदानमा जारि […]

एनकासा इन्टर फर्म क्रिकेट : सुब्र , केबिएसआर, अनिश र एपीए विजयी

१२ औं संस्करणको एनकासा इन्टर फर्म क्रिकेट प्रतियोगिता अन्तर्गत दोश्रो दिन सम्पन्न चारवटा खेलहरु सम्पन्न भएका छन्। ललितपुर स्थित पुल्चोक […]

डीएभीलाई अन्तर-स्कुल टि-२० क्रिकेटको उपाधि

काठमाडौँ, डिएभि सुशील केडिया विश्व भारतीय स्कुलले १६ औं सीओएएस अन्तर-स्कुल रनिंग टि-२० क्रिकेट प्रतियोगिता २०८१ को उपाधि जितेको छ। […]

इन्टर-फर्म क्रिकेट : एसएचए र केएएसए युपीबि युथ्स विजयी

१२ औं संस्करणको एनकासा इन्टर फर्म टी २० क्रिकेट प्रतियोगिता आइतबार सुरु भएको छ। ललितपुर स्थित पुल्चोक इन्जिनियरिङ मैदानमा आइतबार […]

प्रधानमन्त्री कप भक्तपुर छनोट : जनप्रेमी र हिमालयन विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा जनप्रेमी स्पोर्टस् क्लब र हिमालयन स्पोर्ट्स म्यानेजमेन्ट विजयी भएका छन्। मुलपानी […]

प्रधानमन्त्री कप भक्तपुर छनोट : पासा र बिसीसी विजयी

काठमाडौं । प्रधानमन्त्री कप क्रिकेट प्रतियोगिताको भक्तपुर छनोट खेलमा पासा क्रिकेट एकेडेमी र बिसीसी विजयी भएका छन् । मुलपानी मैदानमा […]