- विकेटनेपाल, भदौ २२
एसीसी यु-१९ ( पूर्वी क्षेत्र ) प्रतियोगिताको लागि नेपाली टिम शुक्रबार बिहान ८:३० बजे मलेसिया प्रस्थान गर्नेछ। टिमले बुधबार अन्तिम दिन अभ्यास गर्यो ।
नेपाली युवा टिम बिहान पशुपति नाथ मन्दिर दर्शन गर्न पुगेको थियो जहाँ कप्तान दिपेन्द्र ऐरी लगायत सम्पूर्ण टिमको उपस्थिति रहेको थियो। आसिफ शेख र शाहब आलम समेत मन्दिर पुगेका थिए।
८ टिम सम्मेलित प्रतियोगितामा नेपाल समुह ‘ए’ मा सिंगापुर, थाईल्याण्ड, भुटानसंगै रहेको छ ।
टिमले पहिलो खेल सिंगापुरसंग सेप्टेम्बर ११ तारिकमा खेल्ने कार्यक्रमएको छ। सेप्टेम्बर १३ तारिकमा भुटानसंग किनारा ओभल मैदानमा, तेश्रो खेल सिंगापुरसंग पुनः क्लब अमन मैदानमा खेल्नेछ । समुह ‘ए’ र ‘बि’ बाट उत्कृस्ट हुने २-२ टिम सेप्टेम्बर १६ मा सेमीफाइनल खेल्नेछन् ।
प्रतियोगिताको फाइनल खेल सेप्टेम्बर १७ तारिकमा किनारा ओभल मैदानमा खेलिनेछ जुन खेलको बिजेता यु-१९ युथ एसिया कप खेल्न छनौट हुनेछ ।
नेपाली टिमलाई ब्याटिंग कन्सल्टेन्ट मोन्टि देसाईले १० दिन बिशेष प्रशिक्षण दिएका थिए ।
नेपाली टिम
दिपेन्द्र ऐरी ( कप्तान ) , सन्दिप लामिछाने, मोहम्मद आसिफ शेख, सन्दिप सुनार, प्रनित थापा, अनिल कुमार शाह, पवन सर्राफ, रोहित पौडेल, किशोर महतो, शाहब आलम, नन्दन यादब, बिक्रम भुसाल, सन्दिप जोरा, सुमित महर्जन
यो पनि पढ्नुस –
- सन्दिपको स्थानमा दिपेन्द्र कप्तान, यु-१९ टिममा धेरै परिवर्तन
- ब्याटिंग सुधार्न देसाईको कसरत ( फोटो फिचर )
- १५ फोटोमा हेर्नुस, एसीसी यु-१९ को लागि नेपालको मेहनत
- एसीसी साधारण सभाबाट नेपाललाई खुसिको खबर
