दीपकको शानदार शतकमा भक्तपुरको विजयी सुरुआत

काठमाडौं । अलराउन्डर दीपक बोहराको शानदार शतकको सहयोगमा भक्तपुर क्रिकेट एकेडेमिले एनसीएसएस कप उपत्यकाव्यापी क्रिकेट प्रतियोगितामा विजयी सुरुआत गरेको छ ।

मुलपानी क्रिकेट मैदानमा जारी प्रतियोगिताको पहिलो खेलमा बलपार्क स्पोट्स एन्ड इभेन्ट एकेडेमीमाथी १९ रनको जित निकालेको हो ।

पहिले ब्याटिङ गरेको भक्तपुरले दीपक बोहराको शतकमा २० ओभरमा ४ विकेट गुमाएर १ सय ८२ रन बनाएको थियो ।

भक्तपुरका लागि बोहराले ६४ बलमा अविजित १ सय १२ तथा आयुष्मान बमले १२ बलमा १९ रन बनाएका थिए ।

बलपार्कका लागि तिलकराज भन्डारी, पंकज पान्डे र प्रसिद्ध ब्रजचार्यले समान १/१ विकेट लिएका थिए ।

भक्तपुरले दिएको १ सय ८३ रनको लक्ष्य पछ्याएको बलपार्कले १३ ओभरमा ३ विकेट गुमाएर १ सय ६ रन बनाएको अवस्थामा भारी वर्षाका कारण खेल रोकिएपछि भक्तपुर १९ रनले विजयी भयो ।

वर्षा खेल रोकिनु अघि सम्म विवेक राना मगरले ३६ बलमा ३४ तथा रवि शाहले ३२ बलमा २८ रन बनाएका थिए ।

भक्तपुरका लागि विकास आग्री, अमरसिंह राउटेला र दीपक बोहराले समान १/१ विकेट लिएका थिए ।

प्रतियोगिता भक्तपुर जिल्ला क्रिकेट संघको आयोजनामा १९ गतेसम्म जारी रहने छ । प्रतियोगितामा पुरुषतर्फ ६ र महिलातर्फ तीन टोलीको सहभागिता रहनेछ।

पुरुषतर्फ भक्तपुर क्रिकेट सेन्टर, भक्तपुर क्रिकेट एक्सिलेन्ट सेन्टर, बल पार्क स्पोर्टस इभेन्ट एन्ड एकेडेमी ललितपुर, ग्रेट हिमालयन क्रिकेट एकेडेमी ललितपुर, क्रिकेट एक्ससिलेन्ट सेन्टर काठमाडौं र ओसिस क्रिकेट एकेडेमी काठमाडौं सहभागी हुनेछन् ।

पुरुषतर्फका सहभागी टोलीलाई दुई समूहमा विभाजन गरिएको आयोजकले जनाएको छ ।

यसैगरी महिलातर्फ काठमाडौं, ललितपुर र भक्तपुर जिल्ला क्रिकेट संघको सहभागिता रहनेछ ।

प्रतियोगिताको सम्पूर्ण खेलहरु मुलपानी क्रिकेट मैदानमा हुनेछ। महिला र पुरुष दुवैतर्फका विजेताले २५ हजार र उपविजेताले १५ हजार रुपैयाँ प्राप्त गर्नेछन्।

 





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]