भ्याली कप टी-२० : सीएसी र काठमाडौं च्याम्पियन

काठमाडौं । काठमाडौं र सीएसी काठमाडौं एनसिसीएस महिला तथा पुरुष टी-२० क्रिकेट प्रतियोगिताको च्याम्पियन बनेका छन् ।

सीएसी काठमाडौं भक्तपुर क्रिकेट सेन्टरलाई पराजित गर्दै पुरुष तर्फको उपाधी जितेको हो ।

मुलपानी क्रिकेट मैदानमा शनिबार भएको खेलमा भक्तपुरले प्रस्तुत गरेको १ सय २२ रनको लक्ष्य सीएसीले १६ दशमलब १ ओभरमा तीन विकेट गुमाउँदै १ सय ११ रन बनाएको अवस्थानमा वर्षाका कारण खेल रोकिएको थियो ।

त्यसपछि खेल पुनः खेलाउन सम्भव नभएपछि सीएसी विजेता घोषणा भएको हो ।

खेल रोकिनु अगाडि दीपेन्द्र रावत र शिभम तिवारी समा ३८ रन बनाउँदै क्रिजमा थिए । यसैगरी रित गौतम १९ रन बनाएर आउट भए ।

भक्तपुरका लागि दीपक बोहाराले दुई तथा पूर्ण थापाले एक विकेट लिए ।

त्यसअघि टस जितेर ब्याटिङ रोजेको भक्तपुरले निर्धारित २० ओभरमा सात विकेट गुमाउँदै १ सय २१ रनको बनाएको थियो ।

भक्तपुरका लागि पूर्ण थापाले ४६ बलमा ५३ रनको योगदान गरे । यसैगरी अरुण ऐरीले २७ र इर्शद अहमदले अविजित २१ रन बनाए ।

सीएसीका लागि राज बमले तीन, दयानन्द मण्डलले समान दुई दुई तथा मोन्शन सिंहले एक विकेट लिए ।

उपाधिसँगै सीएसीले २५ हजार रुपैयाँ प्राप्त गर्दा उपविजेता भक्तपुरले १५ हजार रुपैयाँ पायो ।

आज नै भएको महिलातर्फको फाइनलमा ललितपुरविरुद्ध सुपर ओभरमा जित निकाल्दै काठमाडौं च्याम्पियन बनेको थियो ।

मुलपानी क्रिकेट मैदानमा शनिबार बिहान भएको फाइनलमा ललितपुरले दिएको १ सय ३२ रनको लक्ष्य पछ्याएको काठमाडौंले २० ओभरमा ९ विकेट गुमाउँदै १ सय ३१ रन नै बनाएपछि खेलको निर्णय सुपर ओभरबाट लिइएको थियो ।

काठमाडौंका लागि विपिशा शाहीले ३५, करिस्मा गुरुङले २१ र अस्मिता खरेलले २० रन बनाए ।

ललितपुरका लागि स्वेता गुप्ताले दुई तथा मनिषा उपाध्याय र यशु पाण्डेले समान एक एक विकेट लिए ।

त्यसअघि टस जितेर ब्याटिङ गरेको ललितपुरले निर्धारित २० ओभरमा चार विकेट गुमाउँदै १ सय ३१ रनको बनाएको थियो ।

ललितपुरका लागि यशु पाण्डेले ५२ बलमा ५६ र साबिका यादवले ५० बलमा ४० रन बनाए ।

काठमाडौंका लागि संस्कृति फुयाले दुई तथा विपिशा शाही र अस्मिता खरेलले समान एक विकेट लिए ।

उपाधिसँगै काठमाडौंले २५ हजार रुपैयाँ प्राप्त गर्दा उपविजेता ललितपुरले १५ हजार रुपैयाँ पायो ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]