- विकेटनेपाल, भदौ ४
दोश्रो दिनको खेल सकिंदा ४४/१ को स्थितिमा रहेको वेस्ट इन्डिजको तेश्रो दिन ९ हैन १९ जना ब्याट्सम्यान आउट भएपछि ३ टेस्ट म्याच सिरिजको पहिलो डे-नाइट टेस्टमा वेस्ट इन्डिज इनिंग र २०९ रनले पराजित हुन पुगेको छ l
एजबास्टन मैदानमा म्यान अफ द म्याच चुनिएका एलेस्टर कुकको २४३ तथा कप्तान जोए रुटको १३६ रनको इनिंग मदतले पहिलो इनिंगमा ५१४/८ को स्कोरमा इंग्ल्यान्डले इनिंग घोषणा गरेको थियो l
वेस्ट इन्डिजले त्यसपछि २ इनिंग ब्याटिंग गर्दा पनि हारको अन्तर २०९ रनको योगफल बनाउन सकेन l
जेम्स एण्डरसनले ३ तथा स्टुवार्ट ब्रोड र रोलान्ड जोनेसले समान २/२ विकेट हात पारेपछि पहिलो इनिंगमा वेस्ट इन्डिजले ४७ ओभरमा सबै विकेट गुमाई १६८ रन बनाएको थियो l दोश्रो इनिंगमा ब्रोडले ३ तथा एण्डरसन, जोनेस र मोईन अलिले समान २/२ विकेट हात पारेपछि भ्रमण टोलि वेस्ट इन्डिज ४५.४ ओभरमा १३७ रनमै समेटिन पुग्यो l
पहिलो इनिंगमा जर्माइन ब्ल्याकउडले सर्बाधिक ७९ रन तथा दोश्रो इनिंगमा क्रेग ब्राथवेटले ४० रनको योगदान दिएका थिए l
इतिहासमै पहिलो पटक
२६१/१९ – वेस्ट इन्डिज टेस्टको तेश्रो दिन २६१ रन जोड्दा १९ विकेट गुमायो l वेस्ट इन्डिजले टेस्टको एकै दिन १९ विकेट गुमाएको यो पहिलो पटक हो l
स्टुवार्ट ब्रोडको किर्तिमान
टेस्टमा कुल ३८४ विकेट विकेट पुरा गर्दै स्टुवार्ट ब्रोडले इयान बोथमको ३८३ विकेटलाई उछिन्दै इंग्ल्याण्डको तर्फबाट दोश्रो सबैभन्दा धेरै विकेट लिने खेलाडी बनेका छन् l जेम्स एण्डरसन ४९२ कुल विकेट सहित इंग्ल्याण्डको सबैभन्दा धेरै विकेट लिने बलर हुन् l
