- विकेटनेपाल, साउन १९
३ टेस्ट म्याचको सिरिज अन्तर्गत भारत र श्रीलंका बीच आज कोलोम्बोमा सुरु भएको दोश्रो टेस्टको पहिलो दिन टस जितेर पहिले ब्याटिंग गरेको भारतले उत्कृस्ट सुरुवात गरेको छ l
चेतेश्वर पुजारा र अजिंके रहनेले शतकीय योगदान दिएपछि भारतले पहिलो दिनको सम्पतिमा ९० ओभर ब्याटिंग गर्दै ३४४/३ को स्कोर बनाएको छ l पुजारा १२८ रन ( १० चौका , १ छक्का ) तथा रहाने १०३ रन ( १२ चौका ) मा अविजित रहेका छन् l
टेस्ट क्रिकेटमा पुजाराले ५० औं टेस्ट खेल्ने क्रममा बनाएको १३ औं शतक हो भने रहानेले ३९ टेस्टमा बनाएको यो ८औं शतक हो l
यस अघि भारतले सुरुवात ३ विकेट १३३ रनको स्कोरमा गुमाएको थियो l शिखर धवन ३५ , केएल राहुलले ५७ रन बनाएर आउट हुँदा कप्तान बिराट कोहलीले पनि १३ रन मात्रै बनाउन सके l राहुल रन आउट भए, धवनलाई कुशल परेराले एलबिडब्लु आउट गरे भने कोहलीलाई हेराथले म्याथुजको हातमा क्याच थमाएका थिए l
चौथो विकेटको लागि पुजारा र रहानेले २११ रन बनाईसकेका छन् l
एकै दिन २ शतकको रेकर्ड
अजिंके रहाने र चेतेश्वर पुजाराले टेस्टको पहिलो दिन शतक बनाउदै भारतको लागि नयाँ रेकर्ड कायम गरे l श्रीलंकासंगको पहिलो टेस्टमा शिखर धवन र पुजाराले शतक लगाएका थिए l लगातार २ टेस्टको पहिलो दिनमा २ वटा शतक बनाएको भारतले टेस्ट क्रिकेट इतिहासमै पहिलो पटक हो l
धेरैले पढेको :-
-
बिराट कोहलीले बनाए यस्तो रेकर्ड जसमा बिश्वका एकसेएक ब्याट्सम्यान पछाडी
-
एभरेस्ट प्रिमियर लिगबारे जान्नै पर्ने ४ तथ्य
-
टेस्टको अचम्मको अन्त्य
