- विकेटनेपाल, भदौ १३
पहिलो इनिंगमा खराब ब्याटिंग गरे पनि दोश्रो इनिंगमा सुधारिएपछि इंग्ल्याण्ड र वेस्ट इन्डिज बीच दोश्रो टेस्ट रोचक मोडमा पुगेको छ l
पहिलो इनिंगमा इंग्ल्याण्डले २५८ रन मात्रै बनाउन सकेको थियो भने वेस्ट इन्डिजले ४२७ रन बनाएपछि १६९ रनको अग्रता लिएको थियो l १६९ रनले पछि परेको इंग्ल्याण्डले आफ्नो दोश्रो इनिंगमा ४९०/८ मा इनिंग घोषणा गर्दै वेस्ट इन्डिजलाई ३२२ रनको लक्ष प्रस्तुत गरेको हो l
चौथो दिनको खेल सकिंदा वेस्ट इन्डिज ५/० को स्थितिमा रहेको छ र अन्तिम दिन जितको लागि ३१७ रन आवस्यकता रहेको छ l
दोश्रो इनिंगमा इंग्ल्याण्ड ब्याट्सम्यान मोईन अलिले सर्बाधिक ८४ तथा क्रिस वोक्स र दविड मलनले समान ६१ रनको योगदान दिएका थिए l यस्तै ओपनर मार्क स्टोन म्यानले पनि ५२ रन योगदान दिए l कुनै पनि ब्याट्सम्यानले शतक प्रहार नगरी ४९०/८ बनाएको इंग्ल्याण्डले यो सबैभन्दा ठुलो स्कोर हो l सन् १९९४ मा दक्षिण अफ्रीका बिरुद्ध कुनै ब्याट्सम्यानले शतक प्रहार नगर्दा इंग्ल्याण्डले ४७७ रन बनाएको थियो l रेकर्डमा इंग्ल्यान्ड पाँचौ नम्बरमा छ l यो रेकर्डमा भारत सबैभन्दा अघि छ जसले १९७६ मा न्युजिल्याण्ड बिरुद्ध शतक बिना ५२४ रन बनाएको थियो l
यस अघि वेस्ट इन्डिजले आफ्नो पहिलो इनिंगमा ४२७ रन बनाएको थियो जसको लागि ओपनर क्रेग ब्राथवेटले १३४ तथा साई होपले १४७ रनको योगदान दिएका थिए l इंग्ल्याण्ड बलर जेम्स एण्डरसनले सर्बाधिक ५ विकेट हात पारेका थिए l
इंग्ल्याण्डलाई पहिलो इनिंगमा २५८ मा सिमित गर्न केमर रोच र शानोन गाब्रियलले समान ४/४ विकेट हात पारेका थिए l बेन स्टोक्सले शतक ( १०० रन ) तथा जोए रुटले ( ५९ ) रन बनाउनु बाहेक अन्य इंग्ल्याण्ड ब्याट्सम्यानले ठुलो स्कोर बनाउन सकेका थिएनन् l
यस अघि सम्पन्न पहिलो टेस्टमा वेस्ट इन्डिज इनिंग र २०९ रनको बिशाल अन्तरले पराजित भएको थियो l
