टेस्ट रोचक मोडमा

  • विकेटनेपाल, भदौ १३

पहिलो इनिंगमा खराब ब्याटिंग गरे पनि दोश्रो इनिंगमा सुधारिएपछि इंग्ल्याण्ड र वेस्ट इन्डिज बीच दोश्रो टेस्ट रोचक मोडमा पुगेको छ l

पहिलो इनिंगमा इंग्ल्याण्डले २५८ रन मात्रै बनाउन सकेको थियो भने वेस्ट इन्डिजले ४२७ रन बनाएपछि १६९ रनको अग्रता लिएको थियो l १६९ रनले पछि परेको इंग्ल्याण्डले आफ्नो दोश्रो इनिंगमा ४९०/८ मा इनिंग घोषणा गर्दै वेस्ट इन्डिजलाई ३२२ रनको लक्ष प्रस्तुत गरेको हो l

चौथो दिनको खेल सकिंदा वेस्ट इन्डिज ५/० को स्थितिमा रहेको छ र अन्तिम दिन जितको लागि ३१७ रन आवस्यकता रहेको छ l

दोश्रो इनिंगमा इंग्ल्याण्ड ब्याट्सम्यान मोईन अलिले सर्बाधिक ८४ तथा क्रिस वोक्स र दविड मलनले समान ६१ रनको योगदान दिएका थिए l यस्तै ओपनर मार्क स्टोन म्यानले पनि ५२ रन योगदान दिए l कुनै पनि ब्याट्सम्यानले शतक प्रहार नगरी ४९०/८ बनाएको इंग्ल्याण्डले यो सबैभन्दा ठुलो स्कोर हो l सन् १९९४ मा दक्षिण अफ्रीका बिरुद्ध कुनै ब्याट्सम्यानले शतक प्रहार नगर्दा इंग्ल्याण्डले ४७७ रन बनाएको थियो l रेकर्डमा इंग्ल्यान्ड पाँचौ नम्बरमा छ l यो रेकर्डमा भारत सबैभन्दा अघि छ जसले १९७६ मा न्युजिल्याण्ड बिरुद्ध शतक बिना ५२४ रन बनाएको थियो l

दोश्रो इनिंगमा इंग्ल्याण्ड ब्याट्सम्यान मोईन अलिले सर्बाधिक ८४ रन योगदान दिएका थिए l फोटो – आईसीसी

यस अघि वेस्ट इन्डिजले आफ्नो पहिलो इनिंगमा ४२७ रन बनाएको थियो जसको लागि ओपनर क्रेग ब्राथवेटले १३४ तथा साई होपले १४७ रनको योगदान दिएका थिए l इंग्ल्याण्ड बलर जेम्स एण्डरसनले सर्बाधिक ५ विकेट हात पारेका थिए l

इंग्ल्याण्डलाई पहिलो इनिंगमा २५८ मा सिमित गर्न केमर रोच र शानोन गाब्रियलले समान ४/४ विकेट हात पारेका थिए l बेन स्टोक्सले शतक ( १०० रन ) तथा जोए रुटले ( ५९ ) रन बनाउनु बाहेक अन्य इंग्ल्याण्ड ब्याट्सम्यानले ठुलो स्कोर बनाउन सकेका थिएनन् l

यस अघि सम्पन्न पहिलो टेस्टमा वेस्ट इन्डिज इनिंग र २०९ रनको बिशाल अन्तरले पराजित भएको थियो l

वेस्ट इन्डिजका साई होपले १४७  रन बनाउदै टेस्टमा पहिलो शतक प्रहार गरेका थिए  l ©Getty Images




थप समाचार

एलपीएल : होली फेमिलीलाई ७ विकेटले पराजित गर्दै लिटल फ्लावरको विजयी सुरुवात 

धनगढी – लिटल फ्लावर बोर्डिङ हाइ स्कुलले कैलालीको धनगढीमा जारी विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर […]

धनगढीमा एलपीएलको सातौँ संस्करण सुरु, उद्घाटन खेलमा सत्यवती एकेडेमी विजयी

कैलालीको धनगढीमा विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) को सातौँ संस्करण सुरु भएको छ […]

लिटल फ्लावर प्रिमियर लिग–७ को ट्रफी सार्वजनिक, तयारी पुरा

कैलाली २० माघ – धनगढीमा शनिवारबाट सञ्चालन हुने विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) […]

मिथिला कप : बिराट र मिकु चम्किंदा बजाज युथ सेमीफाइनलमा 

फुलबारी क्रिकेट क्लब सुनसरीलाई पराजित गर्दै बजाज युथ एकेडेमी, सप्तरी चौंथो संस्करणको मिथिला कप टि-२० क्रिकेट प्रतियोगिताको सेमीफाइनल प्रवेश गरेको […]

सन्दीपको मुद्दामा सर्वोच्चद्वारा कैफियत प्रतिवेदन माग

क्रिकेटर सन्दीप लामिछाने विरुद्धको पुनरावेदन निवेदनमा सर्वोच्च अदालतले कैफियत प्रतिवेदन माग गर्ने आदेश दिएको छ । शुक्रबार न्यायाधीश हरिप्रसाद फुयाँलको […]

सन्दीप लामिछानेविरुद्धको मुद्धा न्यायाधीश फुयाँलको इजलासमा

क्रिकेटर सन्दीप लामिछानेलाई थुनामै राखेर मुद्धाको पुर्पक्ष हुनुपर्ने भन्दै सर्वोच्च अदालतमा महान्यायाधिवक्ता कार्यालयले गरेको पुनरावेदनको पेशी शुक्रबार न्यायाधीश हरि फुयाँलको […]