- विकेटनेपाल, माघ १७ – बुधबार
भारतको दक्षिण अफ्रिका भ्रमण अन्तर्गतको एकदिवसीय सिरिज अगाडी दक्षिण अफ्रिकाका खतरनाक ब्याट्सम्यान एबी डी भिल्लियर्स घाइते भएका छन्।
भारतसँग भएको तेस्रो टेस्ट क्रिकेट अन्तर्गत स्लिपमा फिल्डिंग गरेका उनले भारतका कप्तान विराट कोहलीलाई क्याच आउट गर्ने क्रममा औंलामा चोट लागेको हो । जसको कारण उनलाई पहिलो तीनवटा एकदिवसीय खेलबाट बाहिर बस्नुपर्ने भएको हो।
क्रिकइन्फोका अनुसार जोहानेसवर्गमा हुने चौथो एकदिवसीय अगाडी उनी फिट हुँदै मैदानमा फर्कन सक्नेछन्।
जारि भारतको दक्षिण अफ्रिका भ्रमणमा यो भन्दा अगाडी ३ टेस्ट खेलको सिरिज सकिएको छ जहाँ घरेलु टोलिले सिरिज २-१ ले आफ्नो पक्षमा पारिसकेको छ भने ६ खेलको एकदिवसीय सिरिज पछी ३ टी२० खेलको सिरिज पनि खेलिने छ ।
घरेलु टोलिले पहिलो ३ वटा एकदिवसीयको लागि मात्र टिमको घोषणा गरेको भए पनि घाइते डी भिल्लियर्सको लागि कोहि पनि बैकल्पिक खेलाडीको छनोट गरेको छैन ।
भारत बिरुद्ध यस्तो छ डी भिल्लियर्स प्रदर्शन
पुर्व कप्तान समेत रहेका एबी डी भिल्लियर्सको प्रदर्शन भारतबिरुद्द बिशेष रहेको मान्न सकिन्छ। अहिले सम्म भारत बिरुद्द खेलेका २९ एकदिवसीय खेलमा सर्बाधिक ११९ रन सहित ५१ भन्दा माथिको औसतमा १२५९ रन बनाएका छन् । जसमा ६ शतक र ५ अर्धशतक सामेल छन् ।
तर आफ्नै भुमि अर्थात दक्षिण अफ्रिकामानै खेलेका १२ एकदिवसीय खेलमा भने उनको प्रदर्शन सामान्य भन्दा केहि खस्केको देख्न सकिन्छ । घरेलु जमिनमा ४३ भन्दा माथिको औसतमा १ शतक सहित ४७८ रन बनाएका छन्।
उक्त एकमात्र शतक भारतको २०१३/१४ को दक्षिण अफ्रिका भ्रमणको तेस्रो एकदिवसीयमा आएको थियो जुन सेन्चुरियनमा भएको थियो ।
दुवै टोलिले एकदिवसीय सिरिजको लागि टिमको घोषणा गरिसकेका छन् :
दक्षिण अफ्रिका: फॉफ डु प्लेसिस (कप्तान), हाशिम आमला, क्विंटन डी कॉक, एबी डी विलियर्स, जेपी ड्यूमिनी, इमरान ताहिर, एडेन मारक्रम, डेविड मिलर, मॉर्न मॉर्केल, क्रिस मॉरिस, लुंगी नगिडी, एंडिल फेहलुकवेओ, कगीसो रबादा, तबरेज शमसी, खाया ज़ोंडो
भारत: विराट कोहली (कप्तान), रोहित शर्मा, जस्प्रित बुम्राह, युज्बेन्द्र चाहल, शिखर धवन, एमएस धोनी, श्रेयस ईयेर, केदार जाधव, दिनेश कार्तिक, कुलदीप यादव, भुवनेश्वर कुमार, मोहम्मद शमी, मनिष पाण्डे, हार्दिक पान्ड्य, अक्सर पटेल, अजिंक्या रहाने, शार्दुल ठाकुर
के भएको थियो टेस्ट सिरिजमा:
पहिलो टेस्ट: दक्षिण अफ्रिका ७२ रनले बिजयी
दोश्रो टेस्ट: दक्षिण अफ्रिका १३५ रनले बिजयी
तेस्रो टेस्ट: भारत ६३ रनले बिजयी
यस्तो छ खेल तालिका:
पहिलो एकदिवसीय: १ फेब्रुअरी, डर्बन
दोश्रो एकदिवसीय: ४ फेब्रुअरी, सेन्चुरियन
तेस्रो एकदिवसीय: ७ फेब्रुअरी, केप टाउन
चौथो एकदिवसीय: १० फेब्रुअरी, जोहानेसवर्गमा
पाचौं एकदिवसीय: १३ फेब्रुअरी, पोर्ट एलिजावेद
छैठौं एकदिवसीय: १६ फेब्रुअरी, सेन्चुरियन
