एसीसी साधारण सभाबाट नेपाललाई खुसिको खबर

  • विकेटनेपाल, १ भदौ 

एसियन क्रिकेट काउन्सिल ( एसीसी ) को यो साता कोलोम्बोमा सम्पन्न ३४ औं बार्षिक साधारण सभाले बिभिन्न उमेर समुहको प्रतियोगिताहरु पुनः सुचारु गर्ने निर्णय गरेको छ l

एसीसीले आफ्नो वेबसाइट मार्फत जारि गरेको प्रेस वक्तव्यमा बर्सेनि यु-१६, यु-१९ र यु-२३ ( इमर्जिंग ) आयोजना गर्ने बताएको छ l  २०१६ मा आयोजना भएको महिला एसिया कप तथा यु-१९ एसिया कप प्रतियोगितालाई निरन्तरता दिने निर्णय समेत एसीसीले विज्ञप्ति मार्फत घोषणा गरेको छ l

एसीसीको निर्णय पछि नेपाल जस्तो मुलुकले नियमित रुपमा यु-१६, यु-१९, यु-२३ र सिनियर स्तरका पुरुष र महिला क्रिकेट प्रतियोगितामा सहभागिता जनाउन पाउनेछन् l

भारतमा हुने भनिएको यु-१९ एसिया कप अब मलेसियाले आयोजना गर्ने समेत सभाले निर्णय गरेकोछ l भारतमा हुने भनिएता पनि पाकिस्तानले राजनीतिक उतारचढावको कारणले भारतमा खेल्न नमानेपछि बैठकले मलेसियामा प्रतियोगिता सार्ने निर्णय गरेको हो l

२ वर्षको अन्तरमा आयोजना हुदै आएको एसीसी इमर्जिंग टिम्स एसिया कप अब बर्सेनि आयोजना गर्न समेत एसीसी तयार भएको छ l फोटो : बंगलादेश क्रिकेट बोर्ड

एसीसी विकास कमिटिले सुझाब दिएपछि २ वर्षको अन्तरमा आयोजना हुदै आएको एसीसी इमर्जिंग टिम्स एसिया कपलाई अब बर्सेनि आयोजना गर्न समेत एसीसी तयार भएको छ l

एसीसीको आयोजनामा नेपालले यो बर्ष मार्चमा बंगलादेशमा एसीसी इमर्जिंग टिम्स एसिया कप तथा गत बर्ष डिसेम्बरमा श्रीलंकामा यु-१९ एसिया कप खेलेको थियो l यस्तै नेपाली महिला रास्ट्रिय क्रिकेट टिमले नोभेम्बर/डिसेम्बरमा थाईल्याण्डमा एसीसी महिला टि-२० एसिया कप खेलेको थियो l

गत वर्ष सिधा यु-१९ एसिया कप प्रतियोगिता खेलेको नेपालले यसपालि छनौट प्रतियोगिता खेल्नुपर्नेछ l मलेसियामा सेप्टेम्बर ८ देखि १७ तारिकसम्म नेपालले आयोजक मलेसिया सहित सिंगापुर, हंगकंग, नेपाल, थाईल्याण्ड, भुटान, चाइना र म्यानमारसंग एसीसी यु-१९ ( पुर्बी क्षेत्र ) खेल्न पर्नेछ जुन प्रतियोगिताबाट उत्कृस्ट २ टिम मलेसियामानै नोभेम्बरमा आयोजना हुने यु-१९ एसिया कप खेल्न पाउनेछ l

आफुले आयोजना गर्ने प्रतियोगिताहरुले टेस्ट नखेल्ने एसियाली रास्ट्रहरुमा क्रिकेट खेलको विकास गर्न सहयोग पुर्याउने एसीसीले बक्तब्यमा उल्लेख्य गरेको छ l

लामो समय देखि नेपाल लगायत एसियाली देशले एसीसीको नियमित उमेर समुह र सिनियर प्रतियोगितामा सहभागिता जनाउदै आएपनि २०१५ मा आईसीसीले एसीसीलाई खारेज गरेपछि नेपाल जस्तो देशको लागी प्रतियोगिताको अभाब भएको थियो l २०१६ अगस्टमा पुनः एसीसीले आफुलाई पुनर्जीवन दिंदै श्रीलंकामा कार्यालय स्थापना गरेको थियो l

सन् १९८३ मा स्थापना भएपछि एसीसीको कार्यालय मलेसियामा रहँदै आएको थियो l एसीसीको आयोजनामा सन् १९८३ देखि सन् २०१६ सम्म १३ संस्करण एसिया कप क्रिकेट आयोजना भइसकेको छ l

 

 





थप समाचार

ऐरी र रोहितको उत्कृस्ट प्रदर्शनमा नेपालद्वारा अमेरिका पराजित

अमेरिका भ्रमणमा रहेको नेपालले घरेलु टोलिसंगको तिन वटा टि-ट्वान्टी अन्तर्राष्ट्रियको सिरिजमा विजयी सुरुवात गरेको छ। नेपाल र अमेरिका विच खेलिएको […]

आगामी लिग-२ सिरिजमा पुबुदु नेपाली टिमको मेन्टर हुने

राष्ट्रिय क्रिकेट टिमका पूर्व प्रशिक्षक पुबुदु दासानायेकेलाई नेपाल क्रिकेट संघ ( क्यान ) ले आगामी विश्व कप लिग-२ अन्तर्गतको सिरिजको […]

कार्तिक ३ देखि बिपी कोइराला स्मृति कप, चार टेस्ट राष्ट्रका टिमहरु सहभागी हुने

रुपन्देही । रुपन्देही जिल्लाको सिद्धार्थ क्रिकेट रङ्गशालामा ५ देशका खेलाडीको सहभागितामा अन्तर्राष्ट्रिय क्रिकेट प्रतियोगिता हुने भएको छ । यही कार्तिक […]

NPL : पोखराले भित्र्यायो आफ्नो पहिलो विदेशी खेलाडी

कुशल भुर्तेल मार्की खेलाडी रहेको नेपाल प्रिमियर लिगको टिम पोखरा एभेन्जर्सले टिमको पहिलो विदेशी खेलाडीको घोषणा गरेको छ। अमेरिकाको लागि […]

जनकपुरको क्रिकेट निर्देशकमा चालिसे नियुक्त

काठमाडौं । नेपाल प्रिमियर लिग (एनपिएल) टोली जनकपुर बोल्ट्सले बरदान चालिसेलाई टोलीको क्रिकेट निर्देशकमा नियुक्त गरेको छ । जनकपुरले बुधवार […]

क्यानलाई आमिर अख्तरको ७ बुंदे ध्याकर्षण पत्र, “नेपाल प्रिमियर लिग” नाममा आफ्नो दाबी

नेपाल प्रिमियर लिग प्रालि आफ्नो नाममा रहेको भन्दै आमिर अख्तिरले नेपाल क्रिकेट संघ-क्यानलाई ७ बुँदे ध्यानाकर्षण पत्र बुझाएका छन्। क्यानले […]