Sudurpaschim Province vs Gandaki Province Live



इन्टरकन्टिनेन्टल कपको उपाधी अफगानिस्तानलाई

  • विकेटनेपाल, मङ्सिर १७

संयुक्त अरब इमिरेट्सलाई चौथो तथा अन्तिम दिनको खेलमा १० विकेटले पराजित गर्दै अफगानिस्तानले इन्टरकन्टिनेन्टल कपको उपाधी जितेको छ ।

शेख जायद मैदानमा भएको खेलमा अफगानिस्तानले पहिले ब्याटिंग गर्दै इह्सनुल्लाह जनतको १२४, कप्तान अस्घर स्टानिकजाईको ११४ तथा रहमत शाहको १०३ रनको मद्दतमा ५१० रनको योगफलमा ९ विकेट गुमाउदा पारि समाप्तीको घोषणा गरेको थियो ।

बलिंगमा युएईका अहमद राजाले ५ विकेट हातपार्दा ५३ ओभरमा १४८ रन खर्चिए भने मोम्मद नवीदले ११२ रनमा ३ विकेट लिए ।

जवाफमा जाकिर खान र रशिद खानले समान ३ विकेट हात पारेपछि युएईले मात्र १९७ रन बनाउन सक्यो । उसका शैमन अनवरले अविजित ८५ रन बनाएपनि अन्य ब्याट्सम्यानबाट साथ पाएनन् ।

 

तेस्रो दिन ३१३ रनले पछी परेको अवस्थामा अफगानिस्तानले फलो-अनको लागि आग्रह गरेपछि ब्याटिंग गर्न उत्रेको युएईले पुनः ३११ रन बनाउदा सबै विकेट गुमाएपछी अफगानिस्तानलाई खेल जित्न मात्र १९ रनको आबश्यकता रहेको थियो ।

युएईका लागि ओपनर रोहन मुस्ताफा र चिराग सुरीले पहिलो विकेटका लागि १४६ रनको साझेदारी गरेपनि खेललाई बराबरीमा पुर्याउन सकेनन् । मुस्ताफाले ६८ तथा सुरीले ८१ रन बनाए । अफगानिस्तानको जितमा म्यान अफ द म्याच समेत चुनिएका रशिद खानले ५ विकेट लिदा ८३ रन खर्चेपछी अफगानिस्तानले घरेलु टोलीलाई पराजित गरेको हो ।

सन् २०१५ देखि सुरु भएको प्रतियोगिताको सातौं तथा अन्तिम खेलमा युएईलाई पराजित गर्दै ८ टिमहरु सहभागी प्रतियोगिताको अङ्क तालिकामा १२१ अंक सहित शिर्ष स्थानमा रहदै उपाधी जितेको हो । त्यस्तै आयरल्याण्ड १०९ अंक सहित दोश्रो स्थानमा रह्यो ।

प्रतियोगिता जित्नेक्रममा अफगानिस्तानले पहिलो खेलमा स्कटल्याण्डसँग बर्षा बाधक बन्दा बराबरीमा सकाएको थियो भने दोश्रो खेलमा पपुवा न्यु गिनीलाई २०१ रनको बिशाल अन्तरले पराजित गरेको थियो ।

तेस्रो खेलमा नामिबियालाई इनिंग र ३६ रनले पराजित गर्दा चौथो खेलमा नेदरल्याण्डलाई पनि समान अन्तरले पराजित गरेको थियो ।

पाँचौ खेलमा आयरल्याण्डलाई इनिंग र १७२ रनको बिशाल अन्तरले पराजित गर्दा छैठौ खेलमा हंगकंगलाई इनिंग र १७३ रनको फराकिलो अन्तरले पराजित गर्यो । प्रतियोगीताको अन्तिम खेलमा युएईलाई १० विकेटले पराजित गर्दै अफगानिस्तानले उपाधी जित्यो ।

टेस्ट मान्यता नपाएका विश्व क्रिकेट लिगको शिर्ष ८ मा रहेका टोलीहरु अफगानिस्तान, आयरल्याण्ड, नेदरल्याण्ड, हंगकंग, संयुक्त अरब इमिरेट्स, स्कोटल्याण्ड, पपुवा न्यु गिनी र नामिबियाको सहभागिता रहेको थियो ।

प्रतियोगितामा हंगकंगका बाबर हयातले ७ खेलबाट ७१.२० को औसतमा  सर्बाधिक ७१२ रन बनाएका छन् जसमा ३ शतक सामेल छ । त्यस्तै आयरल्याण्डका एड जोएस ७०० रन सहित दोश्रो तथा पपुवा न्यु गिनीका असाद भाला पनि समान ७०० रनका साथ तेस्रो स्थानमा छन् ।

बलिंगतर्फ युएईका अहमद राजाले ६ खेलबाट २१.३१ को औसतमा ३२ विकेट लिएका छन् जसमा उनको सबैभन्दा उत्कृस्ट ६/६१ रहेको छ । दोश्रो स्थानमा अफगानिस्तानका जाहिर खान रहेका छन् जसले समान ६ खेलबाट ३१ विकेट लिएका छन् भने तेस्रो स्थानमा रहेका हंगकंगका नदीम अहमदले २८ विकेट लिएका छन् ।

(Photos: Peter Della Panna/ ESPNcricinfo)





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]