- विकेटनेपाल, माघ २१ – आइतबार
भारतको दक्षिण अफ्रिका सिरिज अन्तर्गत घरेलु टोलीका नियमित कप्तान फाफ डु प्लेसिस घाइते भएपछी टिमले नयाँ कप्तान पाएको छ ।
पहिलो एकदिवसीय क्रिकेट खेलमा डु प्लेसिस घाइते भएपछी दक्षिण अफ्रिका क्रिकेटले पुर्व यु-१९ विश्वकप बिजेता समेत रहेका एईडेन मार्क्रमलाई कप्तानीको जिम्मा दिईएको छ। उनकै कप्तानीमा दक्षिण अफ्रिकाले सन् २०१४ को यु-१९ विश्वकप जितेको थियो जुन दक्षिण अफ्रिकाले अहिलेसम्म जितेको एकमात्र आईसीसी ट्रफी रहेको छ।
मार्क्रमले अहिलेसम्म दक्षिण अफ्रिकाबाट २ वटा मात्र एकदिवसीय खेल खेलेका छन् तर एबी डी भिल्लियर्स र फाफ डु प्लेसिस दुवैको अनुपस्थितिमा कप्तानीको जिम्मा २३ बर्षीय युवा खेलाडीमाथि दिईएको छ ।
यसभन्दा अगाडी उनले यु-१९ टिमलाई विश्वकपमा मात्र नभएर दक्षिण अफ्रिका ए टिमको समेत कप्तानी गरेका थिए ।
अहिलेसम्म उनले ६ टेस्ट क्रिकेटमा रास्ट्रीय टोलीको जर्सी लगाउदा ५२ को औसतमा ५२० रन बनाएका छन् भने २ एकदिवसीयमा एक अर्धशतक सहित ७५ रन बनाएका छन् ।
भारत बिरुद्दको जारि सिरिज अन्तर्गत मार्क्रमले मात्र ९ रन बनाउन सकेका थिए ।
जारि ६ एकदिवसीय क्रिकेटको सिरिजमा भारतले पहिलो खेल जित्दै १ – ० को अग्रता लिएको छ । एकदिवसीय सिरिज पछी ३ टी-२० खेलको सिरिज पनि हुनेछ तर फाफ डु प्लेसिस उक्त सिरिज पनि नखेल्ने भएपछी टी-२० टिमको कप्तानी कसलाई दिने भन्ने निर्णय भईसकेको छैन ।
यस्तो छ खेलतालिका:
दोश्रो एकदिवसीय: ४ फेब्रुअरी, सेन्चुरियन
तेस्रो एकदिवसीय: ७ फेब्रुअरी, केप टाउन
चौथो एकदिवसीय: १० फेब्रुअरी, जोहानेसवर्गमा
पाचौं एकदिवसीय: १३ फेब्रुअरी, पोर्ट एलिजावेद
छैठौं एकदिवसीय: १६ फेब्रुअरी, सेन्चुरियन
सम्बन्धित:
पहिलो एकदिवसीय: कोहलीको शतकमा दक्षिण अफ्रिका पराजित
डी भिल्लियर्स पछि डु प्लेसिस पनि नखेल्ने
एबी डी भिल्लियर्स घाइते, एकदिवसीय सिरिज अघि दक्षिण अफ्रीकालाई झट्का !
