कमजोर इंग्ल्याण्डलाई कुकको सहारा

WicketNepal Staff, २०७४ श्रावण १३, शुक्रबार ००:००

विकेटनेपाल, १३ साउन

ओपनर एलेस्टर कुक संघर्षपूर्ण इनिंग खेल्दै क्रिजमा डटेपछि आक्रामक दक्षिण अफ्रीकालाई इंग्ल्याण्डले थमाउन सकेको छ l

४ टेस्टको शृंखला अन्तर्गत तेश्रो टेस्टमा टस जितेर ब्याटिंग गरेको इंग्ल्यान्डको लागि ओपनिंग गरेका कुक १७८ बलको सामना गरि १० चौका मदतले ८२ रन बनाई क्रिजमा छन् l अर्का ओपनर केटोन जेंनिंग खाता नखोली आउट भएपछि कुकले दोश्रो विकेटको लागि टम वेस्टले ( २५ ) संग ५२ रनको, तेश्रो विकेटको लागि कप्तान जोए रुट ( २९ ) संग ४९ रनको साझेदारी गरे l

इंग्ल्यान्डको लागि डेब्यु टेस्ट खेलेका डाविड मालनलाई कासिगो रबाडाले १ रनमै पेभेलियन फर्काएपछि इंग्ल्याण्डले १२० रनको स्कोरमा ४ विकेट गुमाएको थियो l त्यसपछि कुकले बेन स्टोक्स ( २१ ) संग ५१ रनको साझेदारी गरे जसपछि १७१/४ मा इंग्ल्याण्डले दिनको समाप्ति गर्यो l

केंनिंगटन ओभल मैदानमा वर्षाले बारम्बार प्रभावित भएको पहिलो दिन अफ्रिकी बलर फिलांडरले २ तथा रबाडा र मोरिसले १/१ विकेट हात पारे l

यसभन्दा अघि सम्पन्न २ वटा टेस्ट मध्ये दक्षिण अफ्रीका र इंग्ल्यान्डले १-१ वटा जितेपछि शृंखला १/१ को बराबरीमा रहेको छ l

कमजोर इंग्ल्याण्डलाई कुकको सहारा

धेरैले पढेको :-

थप समाचार