न्युजिल्यान्डकी केरले तोडिन २१ बर्ष पुरानो रेकर्ड, एकदिवसीय क्रिकेटमा दोहोरो शतक

• विकेटनेपाल, जेठ ३१ – बिहिबार

न्युजिल्यान्डको महिला क्रिकेट टिमकी १७ बर्षीय ओपनर ब्याट्सवुमन अमेलिया केरले आयरल्याण्डबिरुद्द भएको तेस्रो एकदिवसीय क्रिकेटमा अविजित २३२ रनको पारि खेल्दै २१ बर्ष अगाडी अस्ट्रेलियाकी पुर्व कप्तान बेलिन्डा क्लार्कको किर्तिमान तोडेकीछन्।

बुधबार भएको खेलमा अमेलिया केरले १४५ बलको सामना गर्दै ३१ चौका र २ छक्का प्रहार गर्दा न्युजिल्यान्डले निर्धारित ५० ओभरमा ३ विकेट गुमाएर ४४० रनको बिशाल योगफल तयार पारेको थियो। सन् २०१६ मा बलिंग अलराउण्डरको रुपमा न्युजिल्यान्डको लागि डेब्यु गरेकी केरले यसभन्दा अगाडी सर्बाधिक ८१ रन बनाएकी थिइन्।

अस्ट्रेलियाकी पुर्वकप्तान बेलिन्डा क्लार्कले सन् १९९७ मा डेनमार्क बिरुद्द खेल्दै अविजित २२९ रन बनाएकी थिइन्।

महिला क्रिकेटको सर्बाधिक स्कोर

आयरल्याण्डको डब्लिनमा भएको खेलमा टस जितेको न्युजिल्यान्डका लागि अमेलिया केरको किर्तिमानी दोहोरो शतक बनाउँदै लेइग कस्पेरेकसँग (११३ रन, १०५ बल, १० चौका) दोश्रो विकेटको लागि २९५ रन तथा अमी सत्तेर्थवेटसँग (६१ रन, ४५ बल, १० चौका) पहिलो विकेटको लागि ११३ रनको साझेदारी गरेकी थिइन्।

? WORLD RECORD ?
Watch HIGHLIGHTS of Amelia Kerr’s 232* – the highest score in a women’s ODI ? #IREvNZ #NorthernTour pic.twitter.com/wh849X18Yd

— WHITE FERNS (@WHITE_FERNS) June 13, 2018

जवाफमा ४४१ रनको बिशाल लक्ष्य पछ्याएको आयरल्याण्डले ९० रनको स्कोरमा मात्र ३ विकेट गुमाएको भएपनि म्यान अफ द म्याच समेत घोषित अमेलिया केरले आफ्नो लेगस्पिनको मद्दतमा ५ विकेट लिन ७ ओभर बलिंग गर्दै २ मेडनसहित मात्र १७ रन खर्चेपछी ४४ ओभरमा ११३ रनमा अलआउट हुँदै खेल ३०५ रनले गुमाएको थियो।

Amelia Kerr #WOW
World-Record 232 not out ✅
5-for with the ball ✅#IREvNZ #NorthernTour pic.twitter.com/8VWELXVQ2I

— WHITE FERNS (@WHITE_FERNS) June 13, 2018

यसअघि भएको पहिलो एकदिवसीय खेलमा न्युजिल्यान्डले ४९० रनको बिशाल योगफल तथा दोश्रो खेलमा ४१८ रन बनाएको थियो।

यो पनि पढ्नुहोस्:

न्युजिल्यान्डको अपत्यारिलो ब्याटिंग, एकदिवसीय खेलको एकै पारिमा बन्यो ४९० रन