Sudurpaschim Province vs Gandaki Province Live



अस्ट्रेलियाको कठिन जितमा कमिन्स नायक

  • विकेटनेपाल, माघ १२ – शुक्रबार 

इंग्ल्याण्ड बिरुद्धको चौथो एक दिवसीय खेलमा अस्ट्रेलियाले ३ विकेटको कठिन जित हात पार्यो। योसंगै ५ खेलको एक दिवसीय सिरिज इंग्ल्याण्डको पक्षमा ३-१ को अवस्थामा आएको छ।

टस जित्दै अस्ट्रेलियाले पहिले बलिंग गर्ने निर्णय लिएपछि ब्याटिंगमा उत्रिएको इंग्ल्याण्डले बिर्सनलायक सुरुवात गरेको थियो। जस् हेजलवुड र प्याट्रिक कमिन्सको धारिलो बलिंगको जवाफ दिन इंग्ल्याण्डको माथिल्लो क्रमका ब्याट्सम्यान असक्षम रहे। इंग्ल्याण्डका शिर्ष ४ ब्याट्सम्यान दोहोरो अंक नजोड्दै पभेलियन फर्किए पछि मात्र ८ रनको योगफलमा ५ इंगलिस ब्याट्सम्यान आउट भएका थिए।

त्यसपछि भने छैठौं विकेटका लागि कप्तान ओएन् मोर्गन र मोइन अलिले ५३ रनको साझेदारी गरे। मोर्गनले तथा अलि दुबैले समान ३३-३३ रन जोडे।

धरासायी बनिरहेको इंग्ल्याण्डको इनिंगलाई सम्हाल्ने क्रममा क्रिस वोक्सले सर्वाधिक ७८ रन बनाए। ८२ बल खेलका वोक्सले ४ चौका र ५ छक्का प्रहार गरे। वोक्सको इनिंगको सहयोगले इंग्ल्याण्डले ४४.५ ओभरमा अलआउट हुन अघि १९६ रन जोडेको थियो।

अस्ट्रेलियाको बलिंगतर्फ प्याट कमिन्सले ४ विकेट चट्काएका थिए। एक दिवसीय करियरकै उत्कृस्ट बलिंग प्रदर्शन गर्ने क्रममा कमिन्सले १० ओभरमा २४ रन खर्चेर ४ विकेट हात पारे। यस्तै जस् हेजलवुड र एन्ड्रिउ टाईले पनि समान ३-३ विकेट नाम गरे।

ट्रयाभिस हेडले ९६ रन जोड्दा कंगारु टोलिले जित हात पार्यो

सजिलो भएन अस्ट्रेलियाको जित 

जवाफमा सिरिजको पहिलो जित हात पार्न मात्र १९७ रनको विजय लक्ष्य लिएर मैदान उत्रिएको अस्ट्रेलियाले मध्यम सुरुवात गर्यो। उत्कृस्ट लयमा रहेका एरन फिन्च चोटिल भएपछी उनको स्थानमा ओपनिंग सम्हालेका ट्रयाभिस हेडले ९६ रन जोड्दा कंगारु टोलिले जित हात पार्यो।

१०७ बल खेल्दै १५ चौका प्रहार गरेका हेडले अस्ट्रेलियालाई खेलमा बनाई राखेका थिए। यस्तै घरेलु टोलिका लागि मिचेल मार्शले ३२ तथा टिम पेनले अविजित २५ रनको योगदान गरे।

इंग्ल्याण्डका बलरले लगातार रुपमा विकेट निकालेपनि टिमलाई जित दिलाउन सकेनन्। इंग्ल्याण्डका आदील रशिदले ३ तथा टम कुर्रन, मार्क वुड र क्रिस वोक्सले समान १-१ विकेट हात पारे।

यी दुई टोलि बिचको पाँचौ तथा अन्तिम एक दिवसीय खेल आईतवार हुनेछ।

( फोटो – आईसीसी, गेट्टि इमेज )





थप समाचार

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]

नेत्रहीन टी-२० विश्वकप : नेपाल भारतसँग भिड्ने

आगामी डिसेम्बर ४ देखि १७ (मंसिर ५ देखि १९ सम्म) भारतमा आयोजना हुने नेत्रहीन टी-२० विश्वकप क्रिकेटमा नेपालले पहिलो खेल […]

लुम्बिनीको जितमा दुर्गेशको अलराउण्ड प्रदर्शन, नरेनको ५ विकेटमा सुदूरपश्चिमको लगातार पाँच जित

काठमाडौँमा जारि अन्डर-१९ राष्ट्रिय प्रतियोगिता अन्तर्गत बुधबार सम्पन्न दुई खेलमा लुम्बिनी प्रदेश र सुदूरपश्चिम प्रदेश विजयी भएका छन्। टियु मैदान […]