- विकेटनेपाल, असार १८ – सोमबार
जिम्बाबेमा जारि अस्ट्रेलिया र पाकिस्तान समेत सम्मिलित टि२० त्रिकोणात्मक शृंखलाको दोश्रो खेलमा अस्ट्रेलियाले पाकिस्तानलाई ५५ बल बाँकी रहँदै ९ विकेटको फराकिलो अन्तरले पराजित गरेको छ। यस अघि हिजो भएको खेलमा पाकिस्तानले घरेलु टिम जिम्बाबेलाई पराजित गरेको थियो।
अस्ट्रेलियाको जितमा म्यान अफ द म्याच समेत घोषित तिब्र गतिका बलर बिल्ली स्टेनलेकले ४ विकेट लिन मात्र ८ रन खर्चिंदै पाकिस्तानको माथिल्लोक्रम ध्वस्त पारे भने ब्याटिंगमा कप्तान एरोन फिन्चले अविजित ६८ रन (३३ बल, ४ चौका, ६ छक्का) को आक्रामक पारि खेले।
हरारे स्पोर्ट्स क्लबमा सम्पन्न खेलमा पाकिस्तानले टस हारेर पहिले ब्याटिंग गर्दै १९.५ ओभरमा सबै विकेट गुमाएर ११६ रन बनाएको थियो। उसका लागि सादब खानले २९ रन, असिफ अलिले २२ रन तथा फहीम अशरफले २१ रन बनाएका थिए। अस्ट्रेलियाका लागि स्टेनलेकका अलावा एन्ड्रीउ टाईले ३ विकेट लिएका थिए।
लक्ष्य पछ्याएको अस्ट्रेलियाले कप्तान वार्नरको अर्धशतकका साथै ट्रेविस हेडको २० रन र डार्सी सर्टको १५ रनको मद्दतमा १०.५ ओभरमा १ विकेट गुमाएर पुरा गर्यो। पाकिस्तानका लागि एकमात्र विकेट हसन अलिले लिए।
त्रिकोणात्मक शृंखला अन्तर्गत जुलाई ३ तारिखमा अस्ट्रेलिया र जिम्बाबेबीच खेल हुनेछ ।
Pakistan 116 all-out in 19.5 overs (Shadab Khan 29; Billy Stanlake 4-8, Andrew Tye 3-38) lost to Australia 117/1 in 10.5 overs (Finch 68*; Hasan Ali 1-18) by 9 wickets.
