- विकेटनेपाल – १५ माघ, सोमवार
उत्कृस्ट लयमा रहेको अफगानिस्तानलाई पराजित गर्दै अस्ट्रेलिया अन्डर-१९ विश्वकपको फाईनलमा प्रवेश गरेको छ। आज भएको पहिलो सेमी फाईनल खेलमा अस्ट्रेलियाले अफगानिस्तानलाई ६ विकेटले हरायो।
पहिले ब्याटिंग गर्दै अफगानिस्तानले दिएको १८२ रनको सामान्य लक्ष्य, अस्ट्रेलियाले ३७.३ ओभरमा ४ विकेट गुमाउँदा भेट्टायो।
अस्ट्रेलियाको जितमा जयाक् एडवार्ड्सले ७२ रनको योगदान गरे। ६५ बल खेलेका ज्याक् ले ८ चौका र २ छक्का प्रहार गर्दै अस्ट्रेलियाको जितलाई सम्भव बनाए। यस्तै परम उप्पलले ३२ र कप्तान जेसन साँगाले २६ रन जोडे।
कंगारु टोलीको खातामा मात्र २६ रनहुँदा म्याक्स ब्रन्ट पहिलो विकेटको रुपमा पभेलियन फर्किए। अफगानिस्तानलाई पहिलो सफलता दिलाउने क्रममा मुजीव जद्रानले म्याक्सलाई आउट गरे। तर त्यसपछि भने अस्ट्रेलियाले साझेदारी बनाउदै खेललाई आफ्नो पक्षमा पार्यो।
अफगानिस्तानका लागि क्वैस अहमदले २ तथा मुजीव जद्रान र नविन उल हकले समान १-१ विकेट लिए।
यसअघि टस जितेर पहिले ब्याटिंग गरेको अफगानीस्तानले खराव ब्याटिंग गर्दै मात्र १८१ रन जोडको थियो। उसका इक्रम अलि खिलले ८०, रहमनुल्लाहले २०, मुजिव जद्रानले १२ तथा निसर वह्दतले ११ रन जोड्न बाहेक अन्य ब्याट्सम्यानले दोहोरो अंकमा स्कोर गर्न बिफल रहेका थिए।
इक्रमले ८० रन जोड्ने क्रममा ११९ बल खेल्दै ८ चौका प्रहार गरेका थिए। अस्ट्रेलियाका बलरले लगातार रुपमा विकेट निकाल्दा अफगानिस्तानका ब्याट्सम्यान साझेदारी बनाउनबाट चुकेका थिए।
अस्ट्रेलियाका जोनाथन मेर्लोले ४ विकेट चट्काएका थिए। १० ओभरको स्पेलमा २४ रन खर्चेर ४ विकेट लिंदा जेक एभंसले २ विकेट लिएका थिए।
दोस्रो सेमीफाईनलमा भोलि भारतले पाकिस्तानको सामना गर्दैछ।
अघिल्लो पल्ट बंगलादेशमा भएको विश्वकपको संस्करणमा अस्ट्रेलियाले सुरक्षाको कारण देखाउदै सहभागिता जनाएको थिएन ।
