स्टार्क र लायनको बलिंगले दक्षिण अफ्रीका निरिह

  • विकेटनेपाल, फाल्गुन १९ 

दक्षिण अफ्रीका र अस्ट्रेलिया बीच सुरु भएको टेस्ट सिरिज ४ वटा टेस्टको सिरिज अन्तर्गत पहिलो टेस्टमा घरेलु टिम माथि अस्ट्रेलिया हाबी भएको छ।

किंग्समेड, डर्बन मैदानमा टस जितेर ब्याटिंग रोजेको अस्ट्रेलियाले पहिलो इनिंगमा ३५१ रन बनाएपछि पहिलो इनिंगमा दक्षिण अफ्रीका १६२ रनमै समेटिन पुगेपछि भ्रमण टिम अस्ट्रेलियाले दोश्रो दिन समाप्तिमा १८९ रनको अग्रता लिएको छ।

स्टार्क उत्कृस्ट

एबि डीभिल्लर्सले संघर्षपूर्ण अविजित ७१ रन ( १२७ बल, ११ चौका ) को पारि खेले पनि अन्य ब्याट्सम्यानहरुले ठुलो स्कोर गर्न नसक्दा दक्षिण अफ्रीकाले ५१.५ ओभरमा १६२ रनमै सबै विकेट गुमाउन पुग्यो। ओपनर एडेन मारक्रमले ३२, क्वीन्टन डीककले २० तथा फाफ डु प्लेसिसले १५ रन बनाउनु बाहेक अन्य ब्याट्सम्यानले २ अंकको रन जोड्न सकेनन्।

माइकल स्टार्क एक्लैले ५ विकेट हात पारे जुन क्रममा दक्षिण अफ्रिकी मध्येक्रम र तल्लोक्रम ध्वस्त पारेका थिए। १०.४ ओभर बलिंग गर्दै स्टार्कले ३४ रन खर्चेर ५ विकेट लिए। अफ स्पिनर नाथन लायनले ३ विकेट ( १६-३-५-३ ) तथा जोश हेजलवुड र प्याट कमिन्सले समान १/१ विकेट आफ्नो नाम गरे।

अस्ट्रेलियाको इनिंग 

टस जितेर ब्याटिंग गरेको अस्ट्रेलियाले दोश्रो दिनको लन्च सत्रपछि सबै विकेट गुमाई ३५१ रन बनाएको थियो। सुरुवात देखि निरन्तर अन्तरलमा विकेट गुमाएपनि अस्ट्रेलियन ब्याट्सम्यानहरुले सानो भए पनि नियमित साझेदारी बनाउदै गए।

तेश्रो विकेटको लागि डेभिड वार्नर र स्टिभ स्मिथले ५६ रन, चौथो विकेटको लागि पनि स्मिथले शन मार्शसंग ५६ रनकै साझेदारी गरे। छैठौं विकेटको लागि मिचेल मार्श र टिम पेनले ६० रनको, आठौँ विकेटको लागि मार्श र स्टार्कले ४९ रनको तथा नवौं विकेटकको लागि मार्श र नाथन लायन्ले ४१ रनको साझेदारी गर्दै इनिंग बढाएका थिए।

शतक बनाउन ४ रनले चुकेका मार्शले फिलान्डरको बलमा आउट हुनु अघि १७३ बलमा ९६ रन बनाए जुन क्रममा १३ चौका र १ छक्का प्रहार गरे। यस्तै कप्तान स्मिथले ५६,वार्नरले ५१ , शन मार्शले ४० रन योगदान दिए।

दक्षिण अफ्रिकी बलर देब्रे हाते स्पिनर केशभ महाराजले ५ विकेट ( ३३.४-५-१२३-५ ) हात पारे भने भेरोन फिलाण्डरले ३ ( २७-१२-५९-३ ) तथा कासिगो रबाडाले २ विकेट ( २५-७-७४-२ ) आफ्नो नाम गरे।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]