- विकेटनेपाल, २७ साउन
पाँचौं सिंगापुर अन्तर्राष्ट्रिय क्लब टि-२० प्रतियोगिता अन्तर्गत तेश्रो खेलमा सिंगापुर इमर्जिंग स्टार्सले टस हारेर पहिले ब्याटिंग गर्दै हंगकंगको काउलुन क्रिकेट क्लबलाई १९१ रनको लक्ष दिएको छ l
वर्षाको कारण ढिला सुरु भएपछि १७ ओभरको इनिंगमा छोट्याएर खेलाईएको इनिंगमा इमर्जिंग स्टार्सको लागि तेश्रो नम्बरमा ब्याटिंग गरेका क्षितिज शिन्डेले विस्फोटक ब्याटिंग गर्दै ७३ रन योगदान दिए l शिन्डेले मात्र ३१ बलमा ७ छक्का र ४ चौका मदतले उक्त रन बनाएका थिए l
यस्तै ओपनिंग ब्याट्सम्यान चामिन्दा रुवानले ४२ रन ( २७ बल, २ छक्का, ५ चौका ) को योगदान दिए भने अर्का ओपनर सुरेन्द्रन चन्द्रमोहनले ३१ रन योगदान दिएका थिए l
चौथो नम्बरमा ब्याटिंग गरेका पारस खड्काले मात्र २ रन बनाउन सकेका थिए भने मेहबुब आलमले सातौ नम्बरमा ब्याटिंग गर्दै अविजित १३ रन बनाए l आलमले ९ बलमा २ चौका प्रहार गरे l
काउलुनको लागि सुहेब एह्मदले सर्बाधिक ३ विकेट हात पार्दा ३ ओभरमा २० रन खर्चिएका थिए l
खेलको प्रत्यक्ष अपडेटको लागि क्लिक गर्नुस
यस खेलमा जित हात पार्न सके सिंगापुर इमर्जिंग स्टार्स प्रतियोगिताको सेमीफाइनल प्रवेश गर्नेछ l हिजो भएको खेलमा सिन्हालिज स्पोर्ट्स क्लबसंग ३६ रनले पराजय बेहोरेको स्टार्सले आज दोश्रो खेलमा मेलबर्न क्रिकेट क्लबलाई २९ रनले पराजित गरको थियो जुन क्रममा पारस खड्का ले २ विकेट हात पारेका थिए l
