- विकेटनेपाल, २५ मङ्सिर
भारतीय क्रिकेट टिम कप्तान बिराट कोहली र चर्चित बलिउड अभिनेत्री अनुस्का शर्मा आज बिबाह बन्धनमा बाँधिएका छन्।
अत्यन्त गोप्य राखिएको बिबाह समारोहको पहिलो तस्बिर बिराट र अनुस्काले ट्वीटरमा पोस्ट गर्दै अधिकारिक पुस्टि गरेका हुन्।
बिराटले आफ्नो ट्वीट पोस्टमा लेखेका छन्-
“आज हामिले एकअर्कासंग मायाको बन्धनमा सदा बाँधिने बाचा गरेका छौ। हामि आफुलाई भाग्यमानी ठानीरहेका छौ यो समाचार तपाईहरुमाझ राख्न पाउदा।”
कोहलीले अरु लेखेका छन्-
“यो सुन्दर दिनलाई हाम्रो परिवार, फ्यान र सुभचिन्तकहरुको माया र साथ्ले अझ बिशेष बनाउनेछ। धन्यवाद हाम्रो यात्राकको महत्वपूर्ण हिस्सा हुनुभएकोमा”
उता अनुस्का शर्माले पनि आफ्नो ट्वीटरमा कोहलीले लेखेको लाइनहरुनै फरक फोटोका साथ पोस्ट गरेकी छिन्।
कोहली-अनुस्काको बिबाह इटालीको टस्कनिको एक रिसोर्टमा भएको हो जहाँ दुवैजनाको परिवार तथा अत्यन्त निकट व्यक्तित्वहरु मात्रै उपस्थित थिए। श्रोतका अनुसार दुवैले २१ डिसेम्बरमा मुम्बईमा रिसेप्सन पार्टी आयोजना गर्नेछन् जसमा बलिउड र क्रिकेट जगतका हस्तीहरु देखि ठुला राजनीतिक ब्यक्तित्वहरु समेत उपस्थित हुनेछन्।
बिबाहमा सुरक्षा ब्यबस्था अत्यन्त कडा गरिएको थियो जहाँ निमन्त्रणा बाहेकका अरुलाई उपस्थितिको कुनै मौका थिएन। गत हफ्ता देखि बिराट-अनुस्का बीच बिबाहको हल्ला चलीरहेको थियो तर बिबाह कहाँ हुने भन्ने खबर कसैलाई दिईएको थिएन। अनुस्का र बिराट बिगत केहि बर्ष देखि एक-अर्कासंग डेट गरिरहेका छन्।
