- विकेटनेपाल, २ भदौ
खेलको क्रममा बाउन्सर बलले लागे पछि १८ बर्षिय पाकिस्तानी क्लब क्रिकेटर जुबेर एहमदको मृत्यु भएको छ l
१४ अगस्ट सोमबार आफ्नो क्रिकेट एकेडेमीमा खेल खेल्ने क्रममा उक्त घटना घटेको थियो र घटनास्थलमै एहमदको ज्यान गएको थियो l
घटनाको पुस्टि गर्दै पाकिस्तान क्रिकेट बोर्डले आफ्नो ट्वीटर मार्फत दुख ब्यक्त गर्दै उनको परिवारप्रति समबेदना ब्यक्त गरेको छ l बोर्डले सबैलाई क्रिकेट खेल्दा हेल्मेट अनिवार्य लगाउन समेत आग्रह गरेको छ l
कटलांग,मरदान घर भएका जुबेरले खेल्ने क्रममा हेल्मेट लगाएका थिएनन् l फखार जमान क्रिकेट एकेडेमीबाट क्रिकेट खेल्ने गर्दथे l
यसै साता अस्ट्रेलियामा अभ्यास खेल खेल्ने क्रममा डेभिड वार्नरलाई बाउन्सरले लाग्दा रिटायर्ड हर्ट हुँदै मैदान बाहिरिएका थिए l हेल्मेट लगाए पनि जोश हेजलवुडको बाउन्सरले लागेपछि उनले मैदान छोड्नुपरेको थियो l वार्नरको अवस्था भने सामान्य भइसकेको छ l
सन् २०१४मा शेफिल्ड शिल्ड खेल्नेक्रममा पुर्ब अस्ट्रेलियन ओपनिंग ब्याट्सम्यान फिल ह्युजले पुल सट हान्ने क्रममा टाउको पछाडी लाग्दा ज्याननै गुमाउनु परेको थियो l ६३ रन बनाएर ब्याटिंग गरिरहेका ह्युजलाई न्यु साउथ वेल्स बलर सिन एबोटको बल लागेपछि तुरुन्त अस्पताल लगिएको थियो जहाँ २ दिन कोमामा रहेपछि उनको निधन भएको थियो l
