- विकेटनेपाल-माघ २७
भारतमा जारि दृस्टीबिहिन टि-२० बिश्वकप अन्तर्गत आफ्नो नवौ खेलमा न्युजिल्यान्डको सामना गरेको नेपालले रेकर्ड ब्याटिंग प्रदर्शन गरेको छ l नेपाली ओपनिंग ब्याट्सम्यान पदम बहादुर बडैलाले ( बि ३ ) नेपाली दृस्टीबिहिन क्रिकेटको इतिहासकै पहिलो दोहोरो शतक प्रहार गरेका छन् l
२११ रनको अविजित पारि खेलेका पदमले मात्र ९० बल सामना गरे l उनले २३४.४४ को स्ट्राइक रेटमा रन बनाउने क्रममा ३६ वटा चौका प्रहार गरे l
अर्का ओपनर सोभाराम डाँगीले पनि अविजित रहँदै ५३ रन प्रहार गरे l उनले ३९ बलमा ४ चौका प्रहार गरे l दुवै ओपनरले अविजित इनिंग खेलेपछि प्रतियोगितामा पहिलो पटक नेपाली टिमले बिना विकेट क्षतिमा २० ओभरमा ३१५ रन बनायो l
न्युजिल्यान्डले दोश्रो इनिंगमा १७४ रन मात्रै बनाउन सकेपछि खेल नेपालले १४१ रनले जित्यो जुन बिश्वकपमा नेपालको सबैभन्दा ठुलो अन्तरको जित हो l स्कोरकार्ड
प्रतियोगितामा दक्षिण अफ्रीकालाई मात्र पराजित गर्न सकेको नेपालले कुनै पनि टिम संग २०० को टिम स्कोर समेत बनाउन सकेको थिएन भने कुनै पनि ब्याट्सम्यानले शतक प्रहार गर्न सकेका थिएनन् l वेस्ट इन्डिज संगको खेलमा सुनिल थापा मगरले बनाएको ७० रननै प्रतियोगितामा नेपालको सर्बाधिक रन हो l
प्रतियोगितामा नेपाली टिमको नतिजा हेर्न क्लिक गर्नुस
दृस्टी बिहिन क्रिकेटमा खेलाडीहरुलाई ३ प्रकारका हुन्छन् l बि १ , बि २ र बि ३ गरी तिन प्रकारका खेलाडी मध्ये बि १ समुहका खेलाडी पूर्णतया दृस्टीबिहिन हुन्छन् भने बि २ समुहमा थोरै मात्र देख्न सक्ने र बि ३ समुहमा टाढा देख्न नसक्ने खेलाडी खेल्ने गर्छन l बि १ समुहका खेलाडीले बनाएको रन दोब्बर गनिने गरिन्छ l
यो पनि पढ्नुस :
– दृस्टीबिहिन टिमले खोल्यो सबैको आँखा, भारतीय टिम नेपाली गितमा नाच्यो छमछमी
