- विकेटनेपाल, २२ साउन
दक्षिण अफ्रीका र इंग्ल्याण्ड बीच जारि ४ टेस्टको सिरिज अन्तर्गत अन्तिम टेस्टमा इंग्ल्याण्डले तेश्रो दिन सकिंदा दोश्रो इनिंगमा ३६० रनको अग्रता लिएको छ l
ओल्ड ट्राफोर्ड मैदानमा टस जितेर पहिलो ब्याटिंग गरेको इंग्ल्याण्डले पहिलो इनिंगमा ३६२ रनमा अलआउट भएको थियो l त्यसपछि दक्षिण अफ्रीकाले आफ्नो पहिलो इनिंगमा २२४ रन मात्र बनाउन सकेपछि इंग्ल्याण्डले १३६ रनको अग्रता पाएको थियो l
१३६ रनको अग्रता सहित दोश्रो इनिंग ब्याटिंग गरेको इंग्ल्याण्डले तेश्रो दिनको खेल समाप्तिमा ८ विकेट नोक्सानीमा २२४ रन बनाएको छ र ३६० रनको अग्रता लिईसकेको छ l
इंग्ल्याण्डको लागि जोए रुटले ४९ रन योगदान दिएका थिए भने दक्षिण अफ्रीकालाई मुस्किल लक्ष दिन मोइन अलिले दिनको अन्त्यतिर विस्फोटक अर्धशतक प्रहार गरे l अलिले ८ चौका र ३ छक्का प्रहार गर्दै दक्षिण अफ्रीकाको समस्या बढाउन ५९ बलमा ६७ रन बनाएर क्रिजमा छन् l
दोश्रो इनिंगमा डुएने ओलिभीयरले दक्षिण अफ्रीकाको लागि ३ विकेट दिलाएका छन् भने मोर्ने मोर्केल र कासिगो रबाडाले २/२ विकेट लिएका छन् l
यस अघि दक्षिण अफ्रीकालाई पहिलो इनिंगमा २२६ रनमै अलआउट गर्न जेम्स एण्डरसनले ४ विकेट तथा स्टुवार्ट ब्रोडले ३ विकेट लिएका थिए l भ्रमण टिमको लागि टेम्बा बभुमाले सर्बाधिक ४६ तथा हासिम आम्लाले ३० रन योगदान दिएका थिए l
सिरिजमा २-१ ले इंग्ल्यान्ड अघि रहेको छ l