- विकेटनेपाल, २८ साउन
भारत र श्रीलंका बीच जारि तेश्रो टेस्टको पहिलो इनिंगमा हार्दिक पान्ड्याले १०८ रनको शतकीय इनिंग खेल्दै थुप्रै रेकर्ड आफ्नो नाम गराएका छन् l
७ छक्का र ८ चौका मदतले १०८ रन बनाएर आउट हुने क्रममा कुनै पनि भारतीय ब्याट्सम्यानले गर्न नसकेको कारनामा गरेर देखाए l
पान्ड्याले शतक बनाउने क्रममा पहिलो ५० रन बनाउन ६१ बल लगाएका थिए भने त्यसपछिको ५० रन मात्र २५ बलमै प्रहार गरेका थिए l
टेस्ट क्रिकेटमा भारतको एकै ओभरमा सर्बाधिक रन
– लेफ्ट आर्म स्पिनर पुस्पकुमाराको एकै ओभरमा २६ रन (4, 4, 6, 6, 6, 0) बनाउदै कपिल देब र सन्दिप पाटिलले बनाएको एकै ओभरमा २४ रनको रेकर्ड पान्ड्याले आफ्नो नाम बनाएका छन् l
टेस्ट क्रिकेटमा ओभरमा सबैभन्दा धेरै रन प्रहार गर्ने रेकर्ड ब्रायन लारा र जर्ज बेलीको छ l लाराले २००३/४ मा दक्षिण अफ्रीकाको बलर रबिन पिटरसनको एकै ओभरमा २८ रन प्रहार गरेका थिए जुन क्रममा लाराले २ छक्का र ४ चौका प्रहार गरेका थिए l यस्तै बेलीले २०१३/१४ मा इंग्ल्यान्ड बिरुद्ध जेम्स एण्डरसनको ओभरमा ३ छक्का, २ चौका र २ रन लिएका थिए l
फर्स्ट क्लास करियरकै पहिलो शतक टेस्टमा
– आफ्नो फर्स्ट क्लास करियरकै पहिलो शतक टेस्ट क्रिकेटमा प्रहार गर्ने पान्ड्या छैठौं खेलाडी बनेका छन् l यो लिस्टमा बिजय मान्ज्रेकर, कपिल देब, हरभजन सिंह, अजय रात्रा संगै पान्ड्या पनि जोडिएका छन् l
छिटो शतक
पान्ड्याले आफ्नो शतक ८६ रनमै पुरा गरे जुन भारतीय ब्याट्सम्यानको तर्फबाट टेस्ट क्रिकेटमा पाँचौ छिटो शतक हो l कपि देब ( ७४ ) , मोहम्मद अजरुद्दीन ( ७४ ) , बिरेन्द्र सहवाग ( ७८ ) र शिखर धवन ( ८५ ) ले उनि भन्दा छिटो शतक पुरा गरेका छन् l तर आठौं नम्बरमा ब्याटिंग गर्दै बनाएको शतक भने यो सबैभन्दा छिटो शतक हो l
एकै सेसनमा १०० रन
– कुनै पनि भारतीय ब्याट्सम्यानले एकै सेसनमा त्यो पनि लन्च भन्दा पहीले १०० रन ( १ रनबाट – १०८ रन ) बनाउन सकेका थिएनन् l यस्तो गर्ने पान्ड्या पहिलो भारतीय ब्याट्सम्यान बनेका छन् l यस भन्दा अघि बिरेन्द्र सहवागले सेसनमा ९९ बनाएका थिए l
श्रीलंका नाजुक अवस्थामा
श्रीलंका र भारत बीच जारि तेश्रो टेस्टमा भारतले टस जितेर ब्याटिंग गर्दै पहिलो इनिंगमा शिखर धवनको ११९, पान्ड्या को १०८ र केएल राहुलको ८५ रन मदतले ४८७ रन बनाएको थियो l
श्रीलंकाले आफ्नो पहिलो इनिंगमा १३५ रनमै सम्पूर्ण विकेट गुमाएपछि भारतले फलोअन दिएको छ l फलो अन पछि श्रीलंकाले तेश्रो दिनको खेल सकिंदा १९ रनमा १ विकेट गुमाईसकेको छ l
भारतीय बलर कुलदिप यादबले सर्बाधिक ४ विकेट लिएका थिए भने मोहम्मद सामी र रबिचन्द्रन आश्विनले २/२ विकेट हात पारे l पहिलो इनिंगमा श्रीलंकन ब्याट्सम्यान दिनेश चण्डीमालले सर्बाधिक ४८ रन बनाएका थिए l
सिरिज अन्तर्गत यसभन्दा अघि सम्पन्न दुवै टेस्ट भारतले बिशाल अन्तरले जितीसकेको छ l
