Sudurpaschim Province vs Gandaki Province Live



लगातार विकेटले भारत समस्यामा, २८६ मै समेटियो दक्षिण अफ्रीका – पहिलो दिन

  • विकेटनेपाल, पौष २१- शुक्रबार 

भारत २८/३ ( पुजारा ५* , मोर्केल १/० ) , दक्षिण अफ्रीका २८६ ( डीभिल्लर्स ६५, डु प्लेसिस ६२, भुवनेश्वर ४/८७ )

भारत र दक्षिण अफ्रीका बीच दक्षिण अफ्रीकाको केप टाउनमा पहिलो टेस्ट सुरु भएको छ।

टस जितेर पहिले ब्याटिंग गरेको दक्षिण अफ्रीकाले पहिलो इनिंगमा २८६ रनमै सम्पूर्ण विकेट गुमाएपछि ब्याटिंग सुरु गरेको भारतले दिनको समाप्तिमा २८ रन बनाउदा ३ विकेट गुमाईसकेको छ।

मुरली विजय ( १ ) , शिखर धवन ( १६ ) र कप्तान बिराट कोहली ( ५ ) रनमै आउट भएपछि भारत दिनको समाप्तिमा दक्षिण अफ्रीकाको पहिलो इनिंग स्कोर भन्दा २५८ रनले पछि रहेको छ। कोहलीलाई मोर्ने मोर्केलले विकेटकिपर डीककको हातमा क्याच थमाएका थिए भने धवनलाई डेल स्टेनले तथा विजयलाई भेरोन फिलान्डरले पेभेलियन फर्काएका थिए।

चेतेश्वर पुजारा ५ तथा रोहित शर्मा ० रनमा अविजित रहेकाको अवस्थामा दिनको समाप्ति भएको थियो जुनबेलासम्म भारतले ११ ओभर ब्याटिंग गरेकोछ।

कोहलीको विकेट लिएपछि मोर्केलको खुसि

भुवनेश्वर कुमारको बलिंगले दक्षिण अफ्रीका निरिह 

भुवनेश्वर कुमार एक्लैले ४ विकेट हात पार्दै माथिल्लो क्रमका ब्याट्सम्यानहरुलाई पेभेलियनको बाटो देखाएपछि दक्षिण अफ्रीकाले टस जितेपनि राम्रो ब्याटिंग गर्न सकेन। ७३.१ ओभरमा सबै विकेट गुमाई २८६ रनमा रोक्न भुवनेश्वरले १९ ओभरमा ४ मेडन ओभर सहित ८७ रन खर्चिएका थिए। उनले त्यसक्रममा डीन एल्गर ( ० ) , एडेन मारक्रम ( ५ ), हसिम अम्ला ( ३ ) र क्वान्टन डीकक ( ४३ ) को विकेट लिएका थिए।

भारतीय बलर रबिचन्द्रन आश्विनले २ विकेट हात पारे भने मोहम्मद सामी, जस्प्रित बुम्रा र हार्दिक पाण्डेले १-१ विकेट हात पारे।

भुवनेश्वर कुमारले ४ विकेट लिए

दक्षिण अफ्रिकी ब्याट्सम्यान एबी डी भिल्लर्सले सर्बाधिक ६५ रनको योगदान दिएका थिए जुन क्रममा उनले ८४ बलमा ११ चौका प्रहार गरेका थिए। यस्तै कप्तान फाफ डु प्लेसिसले ६२ रन ( १०४ बल, १२ चौका ) तथा क्वान्टन डीककले ४३ रन ( ४० बल, ७ चौका ) को योगदान दिए । डी भिल्लर्स र डु प्लेसिसले चौथो विकेटको लागि ११४ रनको साझेदारी गरेका थिए।

दक्षिण अफ्रीका भ्रमण अन्तर्गत भारतले ३ वटा टेस्ट, ६ वटा वानडे तथा ३ वटा टि-२० अन्तर्राष्ट्रिय खेल्ने कार्यक्रम रहेको छ।

फोटोहरु :- 


फोटो श्रोत – भारतीय क्रिकेट बोर्ड ( बिसीसीआई )

 





थप समाचार

महिनावारी स्वच्छता दिवस : मैत्रीपूर्ण क्रिकेटमा सप्तरी विजयी

राजबिराज बालविवाह अन्त्यकाे लागि मर्यादित महिनावारी नारा संगै महिनावारी स्वक्षता दिवसकाे अवसरमा किसाेरी समूह बिच मैत्री क्रिकेट खेलमा सप्तरी विजयी […]

ICCWCL2 : स्कटल्याण्डसंग नेपालको लज्जास्पद हार

आईसीसी विश्वकप लिग-२ अन्तर्गत नामिबियामा सम्पन्न त्रिकोणात्मक एकदिवसीय अन्तर्राष्ट्रिय सिरिजको आफ्नो चौंथो तथा अन्तिम खेलमा पनि नेपाल ८ विकेटले पराजित […]

स्कटल्याण्डसंग टस जितेर नेपाल ब्याटिंग गर्दै, कुशल भुर्तेल बाहिर

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो चौंथो तथा अन्तिम खेलमा नेपाल स्कटल्याण्डसंग खेल्दैछ। युनाइटेड क्रिकेट क्लब […]

एनसिएसएस रुपन्देहीद्वारा पूर्व राष्ट्रिय क्रिकेटर शक्ति गौचन सम्मानित , माधब शर्मा जिल्ला संयोजक चयन

२१ मङ्सिर , २०७९ नेपाली क्रिकेट समर्थक समाज ( NCSS) जिल्ला समन्वय समिति रुपन्देहीले पूर्व राष्ट्रिय क्रिकेटर शक्ति गौचनलाई सम्मान […]

पीएसएलको ड्राफ्टमा पांच नेपाली खेलाडी

नेपाली राष्ट्रिय क्रिकेट टोलीका पांच खेलाडी पाकिस्तानी सुपर लिग (पीएसएल)को ड्राफ्टमा परेका छन् । नेपाली टोलीका दुई विकेटकिपर ओपनिंग ब्याट्सम्यान […]

ICCWCL2 : नामिबियाद्वारा नेपाल पराजित

नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो तेस्रो खेलमा नेपालले घरेलु टोली नामाबियासँग ८६ रनले पराजित भएको […]