- विकेटनेपाल, २० साउन
श्रीलंका : ५०/२ ( मेन्डीस १६* , चण्डीमाल ८* , आश्विन २/३८ ) , भारत : ६२२/९ पारि समाप्ति ( पुजारा १३३, रहाने १३२ , जडेजा ७०* , हेराथ , ४/१५४ )
३ टेस्ट म्याचको सिरिज अन्तर्गत भारत र श्रीलंका बीच आज दोश्रो टेस्टको दोश्रो दिनको खेल सकिदा भारत पुनः श्रीलंकाबिरुद्ध हावी देखिएको छ l
चेतेश्वर पुजारा र अजिंके रहानेको शतक तथा तल्लो क्रमका ब्याट्सम्यानहरुले समेत मजाले रन बनाएपछि भारतले ६२२/९ को स्कोरमा पहिलो इनिंग समाप्तिको घोषणा गरेको छ l दोश्रो दिन २० ओभर ब्याटिंग गरेको श्रीलंकाले ५० रन जोड्दा पहिलो २ विकेट गुमाईसकेको छ l
भारतको लागि पुजाराले सर्बाधिक १३३ तथा रहानेले १३२ रनको योगदान दिएका थिए l तल्लो क्रमका ब्याट्सम्यानहरु रबिन्द्र जडेजाले अविजित ७० , रिद्दिमान शाहले ६७ तथा रविचन्द्र आश्विनले ५४ रनको योगदान दिएपछि भारत पुनः बलियो स्थितिमा छ l
दोश्रो दिनको अन्तिम सत्रमा ब्याटिंग गरेको श्रीलंकाले ओपनरद्वय दिमुथ करुणारत्नेलाई २५ तथा उपुल थरांगालाई ० रनमै गुमाईसकेको छ l खेल सकिंदा सम्म कुसल मेन्डीस १६ तथा चण्डीमाल ८ रन बनाएर ब्याटिंग गरिरहेका छन् l भारतको लागि दुवै विकेट आश्विनले लिएका हुन् l
यस अघि भारतले पहिलो टेस्टमा श्रीलंकालाई ३०४ रनले पराजित गरेको थियो l
६०० रन बनाउने भारत मात्रै
अन्तर्राष्ट्रिय क्रिकेटमा पछिल्लो ६७ महिना अर्थात झन्डै ६ बर्षमा भारत बाहेक कुनै पनि रास्ट्रले ६०० भन्दा बढी रन टेस्टमा बनाउन सकेका छैनन् l भारतले भने यो अबधिमा छैठौं पटक ६०० को स्कोर पार गरिसकेको छ l गालमा सम्पन्न अघिल्लो टेस्टमा पनि भारतले ६०० रन बनाएको थियो l
सबैभन्दा बढी पटक ५००+ रन बनाउने भारत तेश्रो टिम
टेस्ट क्रिकेटमा ५०० माथिको रन बनाउने लिस्टमा भारत तेश्रो नम्बरमा रहेको छ l पहिलो नम्बरमा रहेको अस्ट्रेलियाले हालसम्म १४१ पटक ५०० भन्दा माथिको स्कोर बनाएको छ भने तेश्रो नम्बरमा भारतले ८० पटक ५०० माथिको स्कोर बनाउन सकेको छ l दोश्रो नम्बरमा रहेको इंग्ल्यान्ड कुल १०५ पटक ५०० रन नाघेको छ l
