- विकेटनेपाल, १४ साउन
भारत : ६०० र १८९/३ , श्रीलंका : २९१ र २४५
श्रीलंका भ्रमण अन्तर्गत भारतले श्रीलंकालाई ३०४ रनको बिशाल अन्तरले पराजित गर्दै भारतभन्दा बाहिर टेस्ट इतिहासकै सबैभन्दा ठुलो जित हात पारेको छ l जितसंगै भारतले ३ वटा म्याचको टेस्ट शृंखलामा १-० को अग्रता लिएको छ l
गालमा सम्पन्न पहिलो टेस्टको चौथो दिन ५५० रनको लक्ष पछ्याउने क्रममा श्रीलंकाले २४५ रनमै सम्पूर्ण विकेट गुमाएपछि श्रीलंकाले टेस्ट क्रिकेटमा सबैभन्दा ठुलो हार बेहोरेको छ l
टेस्टको पहिलो इनिंगमा भारतले ६०० रन बनाएको थियो जसमा शिखर धवन ( १९० ) र चेतेश्वर पुजारा ( १५३ ) ले शतकीय इनिंग खेलेका थिए l श्रीलंकाले पहिलो इनिंगमा २९१ रन मात्रै बनाउन सकेको थियो l दोश्रो इनिंगमा पुनः ब्याटिंग गरेको भारतले बिराट कोहली ( १०३ ) को शतक मदतले २४०/३ को स्कोर बनाउदै इनिंग समाप्तिको घोषणा गरेको थियो l
दोश्रो इनिंगमा श्रीलंकालाई अलआउट गर्न रबिन्द्र जडेजा र रविचन्द्रन आश्विनले ३/३ विकेट हात पारेका थिए l यस अघि पहिलो इनिंगमा पनि जडेजाले ३ विकेट हात पारेका थिए l
खेलको म्यान अफ द म्याच शिखर धवन घोषित भए l
यो पनि पढ्नुस :- बिराट कोहलीले बनाए यस्तो रेकर्ड जसमा बिश्वका एकसेएक ब्याट्सम्यान पछाडी
टेस्ट क्रिकेटमा भारतको चौथो ठुलो जित
रन अन्तरको हिसाबले यो टेस्ट क्रिकेट इतिहासमा भारतको चौथो ठुलो जित हो l २०१५ मा दिल्लीमा सम्पन्न टेस्टमा दक्षिण अफ्रीकालाई भारतले ३३७ रनले पराजित गर्दै टेस्ट क्रिकेटमा सबैभन्दा ठुलो जित हात पारेको थियो l भारतले श्रीलंका बिरुद्ध ३०० भन्दा बढी रन अन्तरले टेस्ट म्याच जितेको यो पहिलो पटक हो l
टेस्टमा भारतको ठुलो जित
सन् २०१७, श्रीलंका बिरुद्ध ३०४ रनको जित
सन् २००८, अस्ट्रेलियाबिरुद्ध ३२० रनको जित
सन् २०१६, न्युजिल्याण्डबिरुद्ध ३२१ रनको जित
सन् २०१५, दक्षिण अफ्रीकाबिरुद्ध ३३७ रनको जित
श्रीलंकाको टेस्ट म्याचमा सबैभन्दा ठुलो हार
टेस्ट क्रिकेट इतिहासमा भारतसंग ३०४ रनको हार श्रीलंकाको सबैभन्दा ठुलो हार हो l यस अघि सन् १९९४ मा पाकिस्तानसंग श्रीलंका ३०१ रनले पराजित भएको थियो l यसै बर्ष श्रीलंकाले दक्षिण अफ्रीकासंग पनि २८२ रनको हार बेहोरेको थियो l
धेरैले पढेको :-
- भारतको बिशाल अग्रता, कोहलीले तोडे सचिनको किर्तिमान
- सन्दिप प्रतियोगिताकै उत्कृस्ट खेलाडी ( प्रदर्शन सुची सहित )
- अभ्यास खेलमा नेपालविरुद्ध उत्रिए भारतीय रास्ट्रिय क्रिकेटर
