लगातार विकेटले भारतको कमब्याक – अमला र मारक्रम शतक बनाउन चुके

  • विकेटनेपाल, २९ पौष – शनिबार 

भारत र दक्षिण अफ्रीका बीच दोश्रो टेस्ट सेन्चुरीयनमा सुरु भएको छ। ३ टेस्टको सिरिजमा पहिलो टेस्टमा दक्षिण अफ्रीकाले भारतलाई ७२ रनले पराजित गरेको थियो।

खेलमा टस जितेर पहिले ब्याटिंग गरेको दक्षिण अफ्रीकाले उत्कृस्ट सुरुवात गर्यो। पहिलो विकेटको लागि डीन एल्गर र एडेन मारक्रमले ८५ रन जोडे। एल्गरलाई ३१ रनमा आश्विनले आउट गरेपछि मारक्रम र हासिम अमलाले दोश्रो विकेटको लागि ६३ रन जोडे।

शतक बनाउन ६ रन बाँकि रहंदा आश्विनले मारक्रमलाई विकेट किपर पार्थिव पटेलको हातमा क्याच थमाए। ९४ रन बनाउन मारक्रमले १५० बलमा १५ चौका प्रहार गरे। मारक्रमको विकेट पछि एबी डीभिल्लर्ससंग तेश्रो विकेटको लागि २० रनको स्कोरमा इशान्त शर्माको बलमा बोल्ड भए।

हसिम अमला

चौथो विकेटको लागि अमलाले कप्तान फाफ डु प्लेसिससंग ४७ रनको साझेदारी पुर्याउदा अमला ८२ रनको व्यक्तिगत स्कोरमा रन आउट हुन पुगे जसपछि दक्षिण अफ्रीकाले लगातार विकेट गुमाउन पुग्यो। क्वान्टन डी कक खाता नखोली आश्विनको बलमा आउट भए भने त्यसपछि भेरोन फिलाण्डर पनि खाता नखोली रन आउट हुन पुग्दा भारत खेलमा फर्किएको थियो।

अमलाले ८२ रन बनाउन १५३ बलमा १४ चौका प्रहार गरे।

दिनको समाप्तिमा दक्षिण अफ्रीकाले ६ विकेट गुमाएर ९० ओभरमा २६९ रन बनाएको छ। कप्तान डु प्लेसिस २० रन तथा केशभ महाराज १० रन बनाएर ब्याटिंग गरिरहेका छन्।

भारतीय अफ स्पिनर रबिचन्द्रन आश्विनले सर्बाधिक ३ विकेट (३१-८-९०-३ ) तथा इशान्त शर्माले १ विकेट लिएका छन्।

दक्षिण अफ्रीकाको स्कोर ( सेसन अनुसार )  

लन्चसम्म – ७८/० ( २७ ओभर )
चियासम्म – १८२/२ ( ५६ ओभर )
दिनको समाप्तिसम्म – २६९/६ ( ९० ओभर )

पहिलो दिनको फोटोहरु :-

फोटोहरु – बिसीसीआई

 





थप समाचार

एन्डरसनको बिदाई खेलमा इंग्ल्यान्डको जित

काठमाडौं । तीव्र गतिका बलर जेम्स एन्डरसनको बिदाइ खेलमा वेस्ट इन्डिजविरुद्धको पहिलो टेस्ट इंग्ल्यान्डले एक इनिङ १ सय १४ रनको […]

टमाटा सम्मानित

काठमाडौं । नेपाली राष्ट्रिय पुरुष क्रिकेट टोलीका पूर्व मुख्य प्रशिक्षक जगत टमाटा सम्मानित भएका छन् । टमाटालाई इलाइट मुभर्स एजुकेसन […]

आसिफ इलाइट मुभर्स एजुकेसनको ब्रान्ड एम्बासडर

काठमाडौं । नेपाली राष्ट्रिय क्रिकेट टोलीका ओपनर आसिफ शेख इलाइट मुभर्स एजुकेसन कन्सल्टेन्सीको ब्रान्ड एम्बासडरमा नियुक्त भएका छन् । हाललाई […]

महिला एसिया कप : पहिलो संस्करण दुई टोलीबीचको सिरिज

काठमाडौं । सन् २००४ मा पहिलो संस्करणको एसीसी महिला एसिया कप भएको मानिए पनि २००४ को सो एसिया कप केबल […]

एसिया कप : यस्तो छ नेपालको खेल तालिका

काठमाडौं । नेपालले आगामी महिना श्रीलंकामा आयोजना हुने एसीसी महिला एसिया कपमा सहभागीता जनाउँदै छ । प्रतियोगिताको नवौं संस्करण हुदै […]

हसरंगाले दिए कप्तानीबाट राजीनामा

काठमाडौं । श्रीलंकाका राष्ट्रिय क्रिकेट टोलीका कप्तान वानिन्दु हसरंगाले टी–२० अन्तर्राष्ट्रियको कप्तानीबाट राजीनामा दिएका छन् । हसरंगाले भारतसँग यसै महिनाको […]