- विकेटनेपाल , साउन २८
भारतीय ओपनिंग ब्याट्सम्यान केएल राहुल रोमान्चक बिश्व रेकर्डबाट १ कदम टाढा रहेका छन् l
श्रीलंकासंग जारि टेस्ट सिरिज अन्तर्गत पहिलो इनिंगमा शनिबार ८५ रन बनाएर आउट भएपछि राहुलले टेस्ट क्रिकेटमा लगातार ७ अर्धशतक माथिको स्कोर बनाएका छन् l
गत साता कोलोम्बो टेस्टमा राहुलले ५७ रन बनाउदै छैठौं पटक ५० माथिको स्कोर बनाएका थिए र जारि पालेकेले टेस्टमा शनिबार सातौ पटक ५० माथिको स्कोर बनाएका छन् l
टेस्ट क्रिकेटमा लगातार ७ वटा ५० माथिको स्कोर बनाउने ब्याट्सम्यानहरुको सुचीमा क्रिस रोजर्स ( अस्ट्रेलिया ) , कुमार संगाकारा ( श्रीलंका ) , शिबनारायण चन्द्रपाउल ( वेस्ट-इन्डिज ) , एन्डी फ्लावर ( जिम्बाबे ) , सर एभर्टन विक्स ( वेस्ट इन्डिज ) संगै राहुलको नाम पनि जोडिएको छ l
श्रीलंकासंग जारि टेस्टको दोश्रो इनिंग बाँकी छ र ओपनर राहुलले त्यस इनिंगमा ५० माथिको स्कोर बनाउलान् ? यो पर्खाइको बिषय रहेको छ l
शिखर धवनसंग राहुलले शनिबार १८८ रनको ओपनिंग साझेदारी गरेपछि पुष्पकुमाराको बलमा विकेट गुमाउन पुगेका थिए l जुन क्रममा उनले ८ चौका मदतले १३५ बलअ ८५ रन बनाएका थिए l
राहुलको ५०+ शिलशिला
राहुलले अस्ट्रेलियासंग मार्चमा भएको सिरिज अन्तर्गत पुने टेस्टमा लगातार ५ वटा अर्धशतक प्रहार गर्नेक्रममा ६४ र १० , बेंगलुरुमा ९० र ५१ , राँचीमा ६७ तथा धर्मशालामा ६० र अविजित ५० रनको स्कोर बनाएका थिए l
अस्ट्रेलियन ब्याट्सम्यान क्रिस रोजर्सले २०१४-१५ को बीचमा राहुल जस्तै ७ वटा लगातार अर्धशतक प्रहार गरेका थिए जसमध्ये कुनै पनि इनिंगलाई शतकमा परिणत गर्न सकेका थिएनन् l
टेस्ट क्रिकेटमा लगातार ५०+ स्कोर
- क्रिस रोजर्स ( अस्ट्रेलिया ) – ७
- कुमार संगाकारा ( श्रीलंका ) – ७
- शिबनारायण चन्द्रपाउल ( वेस्ट-इन्डिज ) – ७
- एन्डी फ्लावर ( जिम्बाबे ) – ७
- सर एभर्टन विक्स ( वेस्ट इन्डिज )- ७
- केएल राहुल – ७
