सिंगापुर क्रिकेट क्लब इन्टरनेसनल टि-२० प्रतियोगिता अन्तर्गत आफ्नो पहिलो खेलमा सिंहालिज स्पोर्ट्स क्लबले दिएको १९३ रनको लक्ष पछ्याउने क्रममा सिंगापुर इमर्जिंग स्टार्सको लागि ओपनिंग ब्याटिंग गर्न आएका मेहबुब आलम ४ रन बनाएर आउट भएका छन् l
श्रीलंकन रास्ट्रिय क्रिकेटर सचित्रा सेनानायकेले आलमलाई चौथो ओभरमा क्याच आउट गराएका हुन् l
आलमले ८ बलमा ४ रन बनाएका हुन् l बलिंगतर्फ भने आलमले २ विकेट हात पारेका थिए l
लक्ष पछ्याउने क्रममा बर्षाले खेल अबरुद्ध हुन पुगेको छ l यस अघि पनि खेल ढिला सुरु भएको कारण १७ ओभरमा छोट्याईएको थियो l
सिंगापुर इमर्जिंग स्टार्सको स्कोर ५.४ ओभरमा २६/२ रहेको छ l
पारस खड्का ब्याटिंग गर्न आउन बाँकीनै छ l यति बेला सुरेन्द्रन चन्द्रमोहन ६ तथा अर्जुन मुत्रेजा ३ रन बनाएर ब्याटिंग गरिरहेका छन् l
यस अघि टस हारेर ब्याटिंग गरेको सिंहालिज स्पोर्ट्स क्लबको लागि दासुन शनाकाले सर्बाधिक अविजित ७९ रन तथा मिनोध बानुकाले ५० रनको योगदान दिएका थिए l शानाकाले २७ बलमा ८ छक्का र ५ चौका प्रहार गरेका थिए l
बलिंगतर्फ सिंगापुरे टिमको लागि महबुब आलमले सर्बाधिक २ विकेट लिए भने पारस खड्काले १ तथा अखिल बालचन्द्रले १ विकेट हात पारेका थिए l
खेलको प्रत्यक्ष अपडेटको लागि क्लिक गर्नुस