मोरंग र काठमाडौँ फाइनलमा

  • विकेटनेपाल – २१ माघ , काठमाडौँ

मोरंग र काठमाडौँ आठौ बहिरा रास्ट्रिय क्रिकेटको फाइनलमा प्रवेश गरेका छन् l पुल्चोक इन्जिनियरिङ मैदानमा आज सम्पन्न पहिलो सेमीफाइनलमा मोरंगले सुनसरीलाई तथा काठमाडौँले बाँकेलाई पराजित गर्यो l

फाइनल खेल शनिबार ९ बजे खेलिनेछ l

पहिलो सेमीफाइनल खेलमा मोरंगले टस जितेर ब्याटिंग गर्दै निर्धारित २० ओभरमा १३२/५ को स्कोर खडा गर्यो l मोरंगको लागि मोहम्मद सबिरले ५६ तथा अमृत तामांगले ५१ रनको इनिंग खेले l सबिरले ५० बलमा ६ चौका तथा अमृतले ५४ बलमा ४ चौका र १ छक्का प्रहार गरे l सुनसरी बलर बिबेक राई र सन्तोष नेपालले २/२ विकेट लिए l

१३३ रन लक्ष पछ्याएको सुनसरी १७.५ ओभरमा ८६ रनमै अल आउट भयो र ४६ रनको जित सुम्पियो l आरिफ अन्सारी र रंजन निरौलाले ३/३ विकेट लिंदै मोरंगको जित सहज बाए l सुनसरीका केशब न्यौपानेले २७ रन बाए l खेलको प्लेयर अफ द म्याच मोहम्मद सबिर घोषित भए l

दोश्रो सेमीफाइनल खेलमा काठमाडौँले बाँकेलाई ३७ रनले पराजित गर्यो l टस जितेर ब्याटिंग गर्दै काठमाडौँले निर्धारित २० ओभरमा बनाएको १४८/७ को जवाफमा बाँकेले २० ओभर ब्याटिंग गर्दै १११/५ मात्रै बनाएपछि काठमाडौँ ३७ रनले बिजयी भयो l

काठमाडौँको लागि अजय कर्णले अविजित ४३ तथा संगम पाख्रिनले २० रन बनाए l बाँके बलर विजय साउद र अन्जन राजबंशीले ३/३ विकेट हात पारे l दोश्रो इनिंगमा बाँके ब्याट्सम्यान पवन भट्टले ४१ रन बनाएतापनि जितको लागि पर्याप्त भएन l काठमाडौँ बलर रिबेश श्रेष्ठले २ विकेट हात पारे l खेलको प्लेयर अफ द म्याच काठमाडौँका अजय कर्ण घोषित भए l

यस अघि हिजो सम्पन्न क्वार्टरफाइनल खेलमा काठमाडौँले कास्कीलाई ४ विकेटले तथा मोरंगले झापालाई ८१ रनले पराजित गरेको थियो l

काठमाडौँ, मोरंग, सुनसरी, झापा, बाँके र कास्की गरी कुल ६ वटा टिमले प्रतियोगिता माघ १७ गते देखि सुरु भएको थियो l 





थप समाचार

एलपीएल : युथ अफ टिकापुर र सत्यवती एकेडेमी विजयी 

कैलालीको धनगढीमा जारि लिटल फ्लावर प्रिमियर लिग (एलपिएल) को आठौँ संस्करण अन्तर्गत पाँचौ दिन सम्पन्न दुई खेलमा युथ अफ टिकापुर […]

एलपीएल : घोडाघोडी र कैलाली जिल्ला क्रिकेट क्लव विजयी विजयी 

कैलालीको धनगढीमा जारि लिटल फ्लावर प्रिमियर लिग (एलपिएल) को आठौँ संस्करण अन्तर्गत चौंथो दिन सम्पन्न दुई खेलमा घोडाघोडी क्रिकेट एकेडेमी […]

यु-१९ एसिया कप खेल्न नेपाली टिम युएई प्रस्थान

संयुक्त अरब इमिरेट्स (युएई) मा मङ्सिर २२ देखि पुस १ गतेसम्म आयोजना हुने एसीसी यू–१९ एसिया कपमा सहभागिताका लागि नेपाली […]

एलपीएल : घोडाघोडी क्रिकेट एकेडेमी र शुक्लाफांटा ब्ल्याकबक्स फाउन्डेसन विजयी

कैलालीको धनगढीमा जारि लिटल फ्लावर प्रिमियर लिग (एलपिएल) को आठौँ संस्करण अन्तर्गत तेश्रो दिन सम्पन्न दुई खेलमा घोडाघोडी क्रिकेट एकेडेमी […]

लिटल फ्लावर प्रिमियर लिग : धनगढी क्रिकेट एकेडेमी र धनगढी स्पोर्ट्स क्लब विजयी

कैलालीको धनगढीमा जारि लिटल फ्लावर प्रिमियर लिग (एलपिएल) को आठौँ संस्करण अन्तर्गत दोश्रो दिन सम्पन्न दुई खेलमा धनगढी क्रिकेट एकेडेमी […]

लिटल फ्लावर प्रिमियर लिग : आयोजकको विजयी सुरुवात

कैलालीको धनगढीस्थित फाप्ला क्रिकेट मैदानमा आइतबारबाट सुरु भएको लिटल फ्लावर प्रिमियर लिग (एलपिएल)मा लिटल फ्लावर बोर्डिङ्ग स्कूलले विजयी सुरुवात गरेको […]