- विकेटनेपाल – २२ माघ , काठमाडौँ
आठौ बहिरा रास्ट्रीय क्रिकेटको उपाधि मोरंगले लगातार दोश्रो पटक जितेको छ l फाइनल खेलमा मोरंगले काठमाडौँलाई ६६ रनले पराजित गर्यो l
शनिबार पुल्चोक इन्जिनियरिङ मैदानमा सम्पन्न फाइनलमा टस जितेर पहिले ब्याटिंग गर्दै मोरंगले दिएको १२९ रनको लक्ष पछ्याएको काठमाडौँले ६२ रनमै सम्पूर्ण विकेट गुमायो l
उपाधि सहित मोरंगले ट्रफी र रु. ५०,००० प्राप्त गर्यो l उपविजेता काठमाडौँले ४० हजार रुपैया तथातेश्रो स्थानको सुनसरीले ३० हजार रुपैया पायो l प्रतियोगिताको उत्कृस्ट खेलाडी, उत्कृस्ट बलर तथा फाइनल खेलको म्यान अफ द म्याच मोरंगका ललन चौधरी घोषित भए l यस्तै उत्कृस्ट ब्याट्सम्यान मोहम्मद सबीर ( मोरंग ) घोषित भए l प्रतियोगिताको उत्कृस्ट खेलाडीले रु. ३ हजार र ट्रफी तथा अन्य विधाका उत्कृस्टले २ हजार रुपैया र ट्रफी हात पारे l
मोहम्मद सबिरले अविजित ३७, सुबोध थापाले २३ तथा ललन चौधरीले २० रन बनाएपछि मोरंगले निर्धारित २० ओभरमा १२८/४ को स्कोर बनायो l प्रतिउत्तरमा काठमाडौँका ब्याट्सम्यान रिबेश श्रेष्ठले १५ बनाउनु बाहेक अन्य ब्याट्सम्यानहरुले दोहोरो अंकमा पनि रन बनाउन नसकेपछि काठमाडौँले १३ ओभरमा ६२ रनमै सबै विकेट गुमायो l
ललन चौधरीले ४ विकेट लिने क्रममा ४ ओभरमा २१ रन खर्चिए भने रंजन निरौलाले २ विकेट हात पारे l काठमाडौँ, मोरंग, सुनसरी, झापा, बाँके र कास्की गरी कुल ६ वटा टिमले प्रतियोगिता माघ १७ गते देखि सुरु भएको थियो l
