विकेटनेपाल, २७ मंसिर
काठमाडौँ
डिसेम्बर १५ देखि श्रीलंकामा सुरु हुने यु-१९ एसिया कप खेल्न जाने नेपाली टिमलाई सोमबार बिदाई गरिएको छ l टिम मंगलबार बिहान साढे ११ बजे प्रस्थान गर्नेछ l
रास्ट्रिय खेलकुद परिषदका सदस्य सचिब केशब बिस्टले नेपालको रास्ट्रिय झन्डा टिम कप्तान र प्रशिक्षकलाई हस्तान्तरण गर्दै टोलिलाई बिदाई गर्नुभएको थियो l
बिदाई कार्यक्रममा बोल्दै टिमका कप्तान सन्दिप लामिछानेले टिमको आत्मविश्वास उच्च रहेको बताएका छन् –
‘टिमको आत्मविश्वास उच्च छ र टिम सन्तुलित पनि छ l एक्सपोजरको कमि हुनसक्ला तर जुन तरिकाले अहिले खेलाडीहरुले प्रदर्शन गरिरहेका छन् सबै राम्रो छ l’
लामिछानेले टिमको अन्तिम लक्ष फाइनल सम्म पुग्नु रहेको समेत बताए “समुह चरण पार गर्नु पहिलो लक्ष हो त्यसपछि फाइनल पुग्नेनै अन्तिम लक्ष हो” आफ्नो टिम माथि विश्वास देखाउदै उनले बताए l
यस्तै प्रशिक्षक बिनोद दासले ट्यालेन्ट हन्टबाट छानेर ल्याएको ५६ जना खेलाडीहरु निकै प्रतिभावान रहेको जसमध्ये ५० प्रतिशतले कुनै न कुनै बेला रास्ट्रिय क्रिकेट टिममा खेल्ने क्षमता राख्ने विश्वास ब्यक्त गरे-
‘प्राबिधिक रुपमा खेलाडीहरुलाई तयार गर्न पर्याप्त समय नपाएपनि प्रतियोगिताको लागि खेलाडीहरुलाई तयार भने तयारी गरेकोछु” दासले आफ्नो टिमका खेलाडीहरु प्रतिभावान रहेकोमा सन्तुष्ट रहेको बताए l
नेपालले डिसेम्बर १५ तारिकमा श्रीलंका संग प्रतियोगिताको पहिलो खेल खेल्ने कार्यक्रम रहेको छ l समुह ‘ए’ मा रहेको नेपालको समुहमा भारत, श्रीलंका र मलेसिया रहेका छन् l प्रतियोगिताको खेल तालिका
नेपाली टिमको नेतृत्व सन्दिप लामिछानेले गर्ने छन् भने उपकप्तानी दिपेन्द्र सिंह ऐरीले गर्नेछन् l नेपाल यस अघि २०१४ मा युएईमा सम्पन्न यु-१९ एसिया कपको पहिलो चरण बाट बाहिरिएको थियो l
https://www.youtube.com/watch?v=dPWaboq_f0k
यो पनि पढ्नुस :-
- सन्दिप लामिछाने यु-१९ रास्ट्रिय टिमको कप्तान, हेर्नुस को-को परे टिममा
- कस्तो रह्यो अस्ट्रेलियामा सन्दिपको प्रदर्शन ?
- नेपाल कठिन समुहमा ( यु-१९ एसिया कप )
- सन्दिप लामिछानेलाई शेन वार्नको ‘कल’
