- विकेटनेपाल, साउन २७
सिंगापुर क्रिकेट क्लब इन्टरनेसनल टि-२० प्रतियोगिता अन्तर्गत आफ्नो पहिलो खेलमा सिंहालिज स्पोर्ट्स क्लबसंग सिंगापुर इमर्जिंग स्टार टिम ३६ रनले ( डीएल मेथड ) पराजित भएको छ l ( स्कोरकार्ड )
दोश्रो इनिंगमा १७ ओभरमा १९३ रनको लक्ष पछ्याउने क्रममा ५.४ ओभरमा २ विकेट गुमाएर ब्याटिंग गरिरहेको अवस्थामा मुसलधारे पानि परेपछि खेल रोकिएको थियो l जसपछि डी/एल मेथडको आधारमा सिंहालिज स्पोर्ट्स क्लबलाई बिजेता घोषित गरिएको हो l
टस हारेर ब्याटिंग गरेको सिंहालिज स्पोर्ट्स क्लबको लागि दासुन शनाकाले सर्बाधिक अविजित ७९ रन तथा मिनोध बानुकाले ५० रनको योगदान दिएका थिए l शानाकाले २७ बलमा ८ छक्का र ५ चौका प्रहार गरेका थिए l
बलिंगतर्फ सिंगापुरे टिमको लागि महबुब आलमले सर्बाधिक २ विकेट लिए भने पारस खड्काले १ तथा अखिल बालचन्द्रले १ विकेट हात पारेका थिए l
जवाफमा ब्याटिंग गरेको सिंगापुर इमर्जिंग स्टार्सले ओपनर चामिन्दा रुवानलाई ११ तथा मेहबुब आलमलाई ४ रनमा गुमाएको थियो l श्रीलंकन रास्ट्रिय क्रिकेटर सचित्रा सेनानायकेले दुवै विकेट लिएका थिए l
समुह ‘बि’ अन्तर्गत सिंगापुर इमर्जिंग स्टार्सले भोलि २ वटा खेल खेल्नेछ l
मेर्लबर्न क्रिकेट क्लब ( स्थानीय समय बिहान ११:४५ बजे )
काउलुन क्रिकेट क्लब ( स्थानीय समय दिउसो ३ बजे )