कप्तान पोटरफिल्डको बिशाल शतकले युएई पुनः स्तब्ध

  • विकेटनेपाल, पौष ३० – आइतबार 

आयरल्याण्ड, स्कटल्याण्ड र युनाइटेड अरब इमिरेट्स बीच त्रि-दिवसीय एकदिवसीय अन्तर्राष्ट्रिय शृंखला अन्तर्गत दोश्रो खेलमा पुनः आयरल्याण्ड बिजयी भएको छ।

आईसीसी एकेडेमी मैदान दुबईमा सम्पन्न खेलमा टस जितेर ब्याटिंग गरेको आयरल्याण्डले पुरा ५० ओभर ब्याटिंग गर्दै ३०१/५ को योगफल तयार गरेको थियो। जवाफमा ब्याटिंग गरेको युएईले ४८.४ ओभरमा सबै विकेट गुमाई २३४ रन मात्रै बनाउन सकेपछि ६७ रनको हार बेहोर्यो।

यस अघि बिहिबार सम्पन्न सिरिजको पहिलो खेलमा युएई आयरल्याण्डसंग ४ विकेटले पराजित भएको थियो।

 आयरल्याण्ड इनिंगमा २ वटा शतक 

आयरल्याण्ड इनिंगमा ओपनर विलियम पोटरफिल्डले १३९ रनको बिशाल शतक बनाए भने तेश्रो नम्बरमा एन्डी बालबर्नी पनि १०२ रन बनाएका थिए। पोटरफिल्डले १४७ बलमा १५ चौका र २ छक्का प्रहार गरे भने बालबर्नी १०९  बलमा १२ चौका र १ छक्का प्रहार गरे। यो क्रममा पोटरफिल्ड र बालबर्नीले दोश्रो विकेटको लागि २०१ रनको बिशाल साझेदारी गरेका थिए। केभिन ओ ब्रायनए २४ तथा पल स्टरलिंगले २० रन योगदान दिए।

बालबर्नी र पोटरफिल्डले दोश्रो विकेटको लागि २०१ रनको बिशाल साझेदारी गरे

ओ-ब्रायनको उत्कृस्ट बलिंग 

केभिन ओ ब्रायनले युएईको ४ विकेट लिंदै युएई मध्यक्रम ध्वस्त बनाएपछि लक्ष पछ्याउने युएई योजना पुरा हुन पाएन। ब्यारी म्याक-कर्थी र एन्डी म्याकब्रिनले २/२ विकेट हात पारे।

मध्येक्रममा रामिज शाहजादले ५० तथा मोहम्मद उस्मानले ४४ रन बनाउदै युएईलाई जिततर्फ डोर्याउने प्रयास गरेपनि ठुलो स्कोर बनाउने चाहना आयरल्याण्ड बलरले पुरा हुन दिएनन्। अश्फाक अहमद र मोहम्मद नाभेदले समान २५ रनको योगदान दिए।

खेलको प्लेयर अफ द म्याच विलियम पोटरफिल्ड घोषित भए।

शृंखला अन्तर्गत मंगलबार आयरल्याण्ड र स्कटल्याण्ड प्रतिस्पर्धा गर्नेछन्।

युएई नेपालसंगै डिभिजन-२ मा घटुवा भएको टिम हो जसले नामिबियामा फेब्रुअरीमा संचालन हुने डिभिजन-२ मा नेपालसंगै, ओमान, क्यानडा, केन्या र नामिबियासंग प्रतिस्पर्धा गर्नेछ। ६ टिम मध्ये उत्कृस्ट-२ हुने टिम एकदिवसीय बिश्व कप छनौट प्रतियोगिता खेल्न पाउनेछ।

नेपाली क्रिकेट टिमले पनि डिभिजन-२ को लागि बन्दसत्र थालीसकेको छ

( फिचर फोटो – www.thenational.ae )





थप समाचार

क्यानका अध्यक्ष चन्दसहित ५ जना पदाधिकारीको राजीनामा माग

नेपाल क्रिकेट सङ्घ क्यानका ७ जना केन्द्रिय सदस्यले अध्यक्ष चतुरबहादुर चन्दसहित कार्य सम्पादन समितिमा रहेका ५ जना पदाधिकारीको राजीनामा माग […]

मिथिला कप : विकासले ५ विकट लिंदा छिन्नमस्ता विजयी

सप्तरीको राजविराज जारी चौंथो संस्करणको मिथिला कप टि-ट्वान्टी क्रिकेट प्रतियोगिता अन्तर्गत दोश्रो दिन सम्पन्न खेलमा छिन्नमस्ता स्पोर्ट्स एकेडेमी सप्तरीले १ […]

सन्दीपविनै प्रारम्भिक टोली

नेपाल क्रिकेट सङ्घ (क्यान्) ले घरेलु मैदान कीर्तिपुरमा हुने आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजका लागि २८ सदस्यीय प्रारम्भिक […]

भारतीय कम्पनीसँगको सम्झौता त्रुटिपूर्ण : क्यान

नेपाल क्रिकेट सङ्घ (क्यान) ले नेपाल टी–२० लिग क्रिकेट गर्न भारतीय कम्पनी सेभेन थ्रीस्पोर्ट्सँग सम्झौता गरिनु त्रुटिपूर्ण भएको जनाएको छ […]

मिथिला कप टि–२० माघ १४ देखि

राजविराज । सप्तरीको विष्णुपुर गाउँपालिका वडा नम्वर ६ स्थित महेन्द्र विन्देश्वरी बहुमुखी क्याम्पसको खेल मैदानमा प्रदेश स्तरीय मिथिला कप टि–२० […]

सन्दीपलाई टिममा फर्काउनेबारे क्यान छलफलमा

नेपाल क्रिकेट सङ्घ (क्यान) ले धरौटीमा रिहा भएका क्रिकेटर सन्दीप लामिछानेलाई टिममा फर्काउने बारेमा आफूहरू छलफलमा जुटेको बताएको छ । […]