- विकेटनेपाल, चैत्र १ – बिहिबार
आयोजक श्रीलंकासमेत सम्मिलित त्रिकोणात्मक टी- २० सिरिजको पाचौं खेलमा भारतले बंगलादेशलाई १७ रनले पराजित गरेको छ । जितसँगै भारतले अंकतालिकाको शिर्ष स्थानमा रहँदै फाइनलमा स्थान बनायो ।
बुधबार भएको खेलमा टस हारेर पहिले ब्याटिंग गरेको भारतले निर्धारित २० ओभरमा ३ विकेट गुमाएर १७६ रनको योगफल तयार पारेको थियो । उसका लागि रोहित शर्माले ८९ रन (६१ बल, ५ चौका, ५ छक्का) प्रहार गर्दै पहिलो विकेटको लागि शिखर धवनसँग मिलेर ७० रनको तथा दोश्रो विकेटको लागि सुरेश रैनासँग मिलेर १०२ रनको साझेदारी गरेका थिए । धवनले ३५ रन (२७ बल, ५ चौका, १ छक्का) र रैनाले ४७ रन (३० बल, ५ चौका, २ छक्का) बनाए ।
बंगलादेशका लागि रुबेल हुस्सैनले २ विकेट लिन ४ ओभरमा मात्र २७ रन खर्चिए ।
जवाफमा भारतका वासिंगटन सुन्दरले सुरुवातका ३ विकेट लिन ४ ओभरमा मात्र २२ रन खर्चेपछी बंगलादेशले निर्धारित २० ओभरमा ६ विकेट गुमाएर १५९ रन मात्र बनाउन सक्यो । उसका लागि मुश्फिकर रहिमले अविजित ७२ रन (५५ बल, ८ चौका, १ छक्का) प्रहार गरेपनि अर्को छेउबाट साथ नपाउँदा जितको लागि पर्याप्त हुन सकेन । भारतका मोहम्मद सिराज, शार्दुल ठाकुर र युज्बेन्द्र चाहलले १/१ विकेट लिए ।
खेलमा उत्कृस्ट ब्याटिंग गरेका भारतीय कप्तान रोहित शर्मा म्यान अफ द म्याच घोषित भए ।
अंकतालिका
जारि त्रिकोणात्मक टी- २० सिरिजको नतिजा
पहिलो खेल: श्रीलंका Vs भारत – श्रीलंका ५ विकेटले बिजयी
दोश्रो खेल: बंगलादेश Vs भारत – भारत ६ विकेटले बिजयी
तेस्रो खेल: श्रीलंका Vs बंगलादेश – बंगलादेश ५ विकेटले बिजयी
चौथो खेल: श्रीलंका Vs भारत – भारत ६ विकेटले बिजयी
पाचौं खेल: बंगलादेश Vs भारत – भारत १७ रनले बिजयी
छैठौ खेल: श्रीलंका Vs बंगलादेश – १६ मार्च
फाइनल खेल: भारत Vs TBA – १८ मार्च
