- विकेटनेपाल, जेठ ५ – शनिबार
इन्डियन प्रिमियर लिग आइपिएल क्रिकेट अन्तर्गत भएको दिल्ली डेयर डेभिल्स र चेन्नाई सुपरकिंग्सबिचको खेलमा दिल्लीले चेन्नाईलाई ३४ रनले पराजित गरेको छ ।
दिल्लीले दिएको १६३ रनको लक्ष्य पछ्याएको चेन्नाईले निर्धारित २० ओभरमा ६ विकेट गुमाएर १२८ रनमात्र बनायो । उसलाई थोरै रनमा रोक्न दिल्लीका लागि अमित मिश्र र सन्दिप लामिछानेले ८ ओभरमा ४१ रन खर्चेर ३ विकेट हात पारेका थिए । मिश्रले ४ ओभरमा २० रन खर्चेर २ तथा लामिछानेले २१ रन खर्चेर सुरेश रैनाको विकेट लिएका थिए । ट्रेन्ट बोल्टले पनि २० रनमा २ विकेट लिए ।
चेन्नाईका लागि अम्बाती रायडुले ५० रन बनाउन २९ बलमा ४ चौका र समान छक्का प्रहार गरेपनि अन्य खेलाडीको साथ नपाउँदा पराजित हुन पुग्यो ।
यसअघि टस हारेर घरेलु मैदानमा ब्याटिंगको निम्तो पाएको दिल्ली डेयरडेभिल्सले निर्धारित २० ओभरमा ५ विकेट गुमाएर १६२ रन जोडेको थियो । उसको इनिंगमा अन्त्य तर्फ हर्षल पटेलले ३६ (१६ बल, १ चौका ४ छक्का ) तथा विजय शंकरले समान ३६ रन (२८ बल, २ चौका , २ छक्का) प्रहार गर्दै दिल्लीलाई सम्मानजनक स्कोर तर्फ पुर्याएका थिए ।
ओपनर द्वय पृथ्वी सः र श्रेयस अय्यर क्रमश व्यक्तिगत १७ र १९ रन बनाएर पभेलियन फर्किएका थिए । दिल्लीको इनिंगलाइ अगाडी बढाउने क्रममा रिसभ पन्तले सर्वाधिक ३८ रन जोडेका थिए । उनले ३८ रन जोड्ने क्रममा २६ बलमा ३ चौका र २ छक्का प्रहार गरेका थिए ।
चेन्नाईको बलिंगमा लुंगी एंगीडीले सर्वाधिक २ विकेट चट्काएका थिए । यस्तै दिपक चाहर, रभिंद्र जडेजा र शार्दुल ठाकुरले समान १-१ विकेट लिएका थिए ।
