सौरभको अर्धशतक र भिमले आक्रामक ब्याटिंग गर्दा रोल्पा गुरिल्लाजको बिशाल जित

Saurabh Khanal
  • विकेटनेपाल, ६ बैशाख 

आशिर्बाद पेन्ट्स नेपालगंज कप टि-२० क्रिकेट प्रतियोगिताको बिहिबार सम्पन्न दोश्रो खेलमा पप्पु कन्स्ट्रक्सन रोल्पा गुरिल्लाजले जीशान बाँके ब्लास्टर्सलाई ७९ रनको फराकिलो अन्तरले पराजित गरेको छ। दिनको पहिलो खेलमा बर्दिया टाइगर्सले पाल्पा योद्धाजलाई ८ रनले पराजित गरेको थियो।

सौरभ खनालले अर्धशतक प्रहार गरे

कोहलपुर स्थित प्रस्तावित अन्तर्राष्ट्रिय क्रिकेट मैदानमा टस जितेर ब्याटिंग गरेको रोल्पा गोरिल्लाजले निर्धारित २० ओभरमा मात्र ३ विकेट गुमाएर १७२ रनको योगफल तयार गरेको थियो।

ओपनिंग ब्याटिंग गरेका सौरभ खनालले अर्धशतकीय इनिंग खेल्दै टिमलाई उत्कृस्ट सुरुवात दिलाएका थिए। ४५ बलमा ६ चौका र २ छक्का मदतले ५३ रन बनाएका सौरभ खनालले पहिलो विकेटको लागि आकाश थापासंग ९५ रनको साझेदारी गरेका थिए। थापाले  रन बनाउन ३७ बलमा ४ चौका हिर्काए।

भिम शार्कीले १४ बलमा ४६ रन बनाए

गोरिल्लाजलाई बिशाल योगफलतर्फ डोर्याउन भिम शार्कीले अविजित आक्रामक ४६ रन योगदान दिए। उनले मात्र १४ बलको इनिंगमा ६ चौका र ३ छक्का प्रहार गर्नेक्रममा उत्कृस्ट सटहरु खेले। यस्तै सम्सुदीन अन्सारीले अविजित २३ रन योगदान दिए।

बाँके ब्लास्टर्सको लागि सोनु तामांग र अख्तर हुसेनले समान १/१ विकेट हात पारे।

जवाफमा १७३ रनको लक्ष्य पछ्याउने क्रममा बाँके ब्लास्टर्सले खराब ब्याटिंग गरेपछि ९३ रनमै सम्पूर्ण विकेट गुमाउन पुग्यो। बाँकेको लागि खेलेका स्टार ब्याट्सम्यानहरु महेश क्षेत्री ( १७ ) , सोनु तामांग ( १६ ) रनमै आउट हुँदा टिमले ठुलो अन्तरको हार बेहोर्न पुग्यो। अजय शाहनीले सर्वाधिक २० रन बनाउन १५ बलमा २ छक्का र १ चौका प्रहार गरे पनि जितको अन्तर कम गर्न मात्र सक्षम भए।

बाँके कप्तान महेश क्षेत्री आउट भएपछि

रोल्पाका बलर बिनोद लामाले सर्वाधिक ३ विकेट लिने क्रममा ३.५ ओभरमा ४३ रन दिए भने आकाश थापा र मिराज अन्सारीले पनि २/२ विकेट लिए। खेलको प्लेयर अफ द म्याच रोल्पाका कप्तान समेत रहेका सौरभ खनाल घोषित भए।

पहिलो खेल 

चौथो दिनको पहिलो खेलमा बर्दिया टाइगर्सले पाल्पा योद्धाजलाई ८ रनले पराजित गर्दै आफ्नो दोश्रो खेलमा पहिलो जित हाँसिल गरेको छ। पाल्पाको यो लगातार दोश्रो हार हो।

टस हारेर ब्याटिंग गरेको बर्दिया टाइगर्सले निर्धारित २० ओभरमा ७ विकेट गुमाएर १४१ रनको योगफल तयार गरेको थियो। उसको लागि कप्तान शुबेन्दु पाण्डेले सर्वाधिक ३६ रन बनाउन ३६ बलमा ४ चौका र १ छक्का प्रहार गरे भने बिश्वास श्रेष्ठले अविजित २१ रन बनाए। यस्तै आकाश बिस्टले १८ तथा नबिन ओलीले १७ रन योगदान दिए।

Shubhendu Pandey
शुबेन्दु पाण्डे खेलको प्लेयर अफ द म्याच चुनिए

पाल्पा योद्धाजका बलर विजय चौधरीले सर्वाधिक २ विकेट लिन ४ ओभरमा ३३ रन खर्चिए। अमित तामांग, भिम धमला र यस हमालले समान १/१ विकेट हात पारे।

जवाफमा १४२ रन लक्ष्य पछ्याएको पाल्पा योद्धाजले पुरा २० ओभर ब्याटिंग गर्दा ८ विकेट गुमाएर १३३ रन मात्रै बनाउन सक्यो। अनुपम सिंहले अविजित ४४ रन तथा प्रनित थापाले ३९ रन बनाएपनि जितको लागि पर्याप्त हुन सकेन। अनुपमले ३७ बलमा १ छक्का र ६ चौका तथा प्रनितले ३१ बलमा ५ चौका र १ छक्का हिर्काए।

बर्दिया टाइगर्स बलर राजबिर सिंह, अविनाश बोहारा र भारत थापाले समान २/२ विकेट हात पारे। खेलको प्लेयर अफ द म्याच शुबेन्दु पाण्डे घोषित भए।





थप समाचार

महिला विश्वकप एसिया छनोट खेल्न नेपाली टोली घोषणा

काठमाडौं। आइसिसी महिला विश्वकप एसिया छनोट खेल्न इन्दु बर्माको कप्तानीमा १४ सदस्यीय टोली घोषणा गरेको छ। नेपाल क्रिकेट संघ (क्यान)ले […]

पूजाले पाइन् उपकप्तानीको जिम्मेवारी

काठमाडौं। नेपाली महिला राष्ट्रिय क्रिकेट टोलीको उपकप्तानी पूजा महतले गर्ने भएकी छन्। नेपाल क्रिकेट संघ (क्यान)ले शुक्रबार पूजालाई उपकप्तानको जिम्मेवारी […]

नेपालले पहिलो खेल नेदरल्यान्ड्ससँग खेल्ने

काठमाडौं। आगामी जुनमा स्कटल्यान्डमा आयोजना हुने त्रिकोणात्मक टी-२०आई सिरिजमा नेपालले आफ्नो पहिलो खेल नेदरल्यान्ड्ससँग खेल्ने भएको छ। जुनमा ग्लास्गोको क्लाइडसडेल […]

सिद्धान्तलाई क्यानले आर्थिक सहयोग गर्ने

काठमाडौं। नेपाल क्रिकेट संघ (क्यान)ले महेन्द्र नारायण निधी राष्ट्रिय क्रिकेट प्रतियोगिताको दौरान घाइते भएका क्रिकेटर सिद्धान्त लोहनीलाई पाँच लाख रुपैयाँ […]

एम. एम. कप बैशाख १३ गते देखि हुने

मनमोहन मेमोरियल कप (एम.एम. कप) फाउण्डेशनले आयोजना गर्ने तेस्रो संस्करणको राष्ट्रिय एक दिवसीय क्रिकेट प्रतियोगिता ‘एम.एम. कप सिजन ३’ को […]

लिग-२ का लागि क्यानले घोषणा गर्यो ‘कोर क्याम्प’

काठमाडौं। नेपाल क्रिकेट संघ (क्यान) ले आगामी जुनमा स्कटल्यान्डमा आयोजना हुने आइसिसी क्रिकेट विश्वकप लिग-२ शृंखलाको तयारीका लागि ‘कोर क्याम्प’को […]