Sudurpaschim Province vs Gandaki Province Live



शरद डीपीएल नखेल्ने, यस्तो छ कारण

sharad vesawkar
  • विकेटनेपाल, १० माघ – बुधबार 

चैत्र १७ गते देखि आयोजना हुने धनगढी प्रिमियर लिग डीपीएल टि-२० प्रतियोगितामा शरद भेसावकर नखेल्ने भएका छन्।

डीपीएलले आज बुधबार सहभागी हुने ६ वटा टिम र टिम मालिक तथा सबै टिमको रणनीतिक खेलाडीको घोषणा गर्ने कार्यक्रम रहेको छ। अक्सनमा आधारित प्रतियोगितामा शरदले गत बर्ष बिराटनगर किंग्स टिमको प्रतिनिधित्व गरेका थिए। शरदकै टिमले फाइनलमा त्यसबेला पारस खड्का कप्तानीको टिम धनगढी टिम चौराहासंग पराजित भएको थियो।

यो पटक पनि शरदले बिराटनगर किंग्स टिमको नेत्रित्व गर्ने पक्का थियो तर उनले प्रतियोगिता सुरु हुनु अघिनै नाम फिर्ता लिएका छन्। डिपीएलका क्रिएटिभ हेड राजन शाहले ट्वीट मार्फत शरदले प्रतियोगिता नखेल्ने अधिकारिक जानकारी गत हफ्तानै गराएका थिए। विकेटनेपालले शरदसंग सम्पर्क गर्दा उनले डीपीएलको मिति यही हुने हो भने आफु नखेल्ने बताएका छन्।

नखेल्ने कारण यस्तो 

गर्भवती अवस्थामा रहेकी शरद पत्नी निशा अधिकारीलाई साथ दिन शरदले डीपीएल नखेल्ने निर्णय गरेका हुन्। यसै बर्ष असारमा बिबाह गरेका शरद बुवा बन्ने खबर निशा अधिकारीले अंग्रेजी नयाँ बर्ष जनवरी १ मा खुलासा गरेकी थिईन्। त्यसबेला निशाले पेटमा रहेको बच्चा ५ महिनाको भएको पोस्ट गरेकी थिईन्।

Sharad Vesawkar , Nisha Adhikari
गर्भवती पत्नी निशा अधिकारीलाई साथ दिन शरदले डीपीएल नखेल्ने

निशा हाल अमेरिकामा छिन् र शरद डिभिजन-२ को समाप्तिपछि अमेरिका प्रस्थान गर्ने विकेटनेपाललाई बताएका छन्। बुवा बन्ने जिम्मेवारीलाई महत्व दिंदै शरद डिपीएल चल्दै गर्दा बिराटनगर किंग्सको कप्तानीको जिम्मेवारी भने निभाउने छैनन्।

नेपाली टिमको लागि जिम्मेवार इनिंग खेल्दै आएका शरदले जसरि क्रिकेट खेल्दा आफ्नो जिम्मेवारी बुझेका छन् त्यस्तै पारिवारिक जिम्मेवारीमा पनि शरद अघिनै देखिएका छन्।शरद हाल फेब्रुअरीमा नामिबियामा आयोजना हुने आईसीसी बिश्व क्रिकेट लिग डिभिजन-२ को तयारीको क्रममा अभ्यासरत छन्। नेपाली क्रिकेटको भबिस्यको लागि अत्यन्त महत्वपूर्ण प्रतियोगिताको लागि शरद मेहनत गरिरहेका छन्।

Sharad Vesawkar
डिभिजन-२ को तयारीको क्रममा शरद भेसावकर

नेपाली घरेलु क्रिकेटका सफल कप्तान शरदको अनुपस्थितिलाई भने उनको टिमले अवस्य महसुस गर्नेछ। अर्कोतर्फ शरदको सट्टा बिराटनगर किंग्सको कप्तानी कसले गर्ने भन्ने कौतुहलता समेत पैदा भएको छ।

घरेलु क्रिकेटको सफल कप्तान 

शरदको नेतृत्वको टिम पन्चकन्या तेजले नेपाल प्रिमियर लिग ( ५० ओभर ) २०१४ को उपाधि जितेको थियो भने त्यसपछि एभरेस्ट प्रिमियर लिग टि-२० २०१६ को उपाधि समेत जितेको थियो। गत महिना सम्पन्न  एभरेस्ट प्रिमियर लिग टि-२० को फाइनलमा पनि शरदको टिम भैरहवा ग्ल्याडीएटर्स पुगेको थियो तर फाइनलमा पारस खड्का कप्तानीको बिराटनगर वारियर्ससंग पराजित भएको थियो। यस्तै डिपीएलकै अघिल्लो संस्करणमा पनि शरदकै टिम बिराटनगर किंग्स फाइनल पुगेको थियो जसमा पनि पारसकै टिम धनगढीसंग पराजित भएको थियो।

२५ लाख रुपैयाँ पुरस्कार राशीको धनगढी प्रिमियर लिगमा यो पटक पनि ६ वटा सहरकै टिमहरु खेल्नेछन्। प्रत्येक टिममा १-१ जना रणनीतिक खेलाडी रहनेछन् जसले अक्सनमा खेलाडी छनौट, टिमको बनौट लगायत बिषयमा टिमलाई सघाउने छन्। लिगको अक्सन फाल्गुन ५ गते आयोजना हुने बताईएको छ जसमा २ जना बिदेशी खेलाडी अनिवार्य गरिएको छ।

सम्बन्धित :- 





थप समाचार

लिग-२ : स्कटल्याण्डलाई हराउदै तेश्रो स्थानमा उक्लियो नामिबिया

नामिबियामा जारि आईसीसी विश्वकप लिग-२ अन्तर्गतको चौंथो खेलमा नामिबियाले स्कटल्याण्डलाई ३ विकेटले पराजित गरेको छ। युनाइटेड क्रिकेट क्लब मैदान विन्ढोकमा […]

मिलन चम्किंदा, सुदूरपश्चिम बन्यो यु-१९ राष्ट्रिय च्याम्पियन

डिफेन्डिङ च्याम्पियन लुम्बिनी प्रदेशलाई पराजित गर्दै सुदूरपश्चिम प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। गत वर्ष लुम्बिनी प्रदेशले सुदूरपश्चिमलाई […]

नेपाललाई ३ विकेटले पराजित गर्दै स्कटल्याण्ड लिग-२ को शिर्षमा

आईसीसी विश्वकप लिग-२ अन्तर्गत नामिबियामा जारि त्रिकोणात्मक एकदिवसीय अन्तर्राष्ट्रिय सिरिज अन्तर्गत आफ्नो दोश्रो खेलमा नेपाल स्कटल्याण्डसंग ३ विकेटले पराजित भएको […]

स्कटल्याण्डसंग चलेन नेपालको ब्याटिंग, १३७ रनमै सिमित

आईसीसी विश्वकप लिग-२ अन्तर्गत नामिबियामा जारि त्रिकोणात्मक सिरिजमा आफ्नो दोश्रो खेलमा नेपाल र स्कटल्याण्ड प्रतिस्पर्धा गर्दैछन्। खेलमा टस हारेर ब्याटिंग […]

नेत्रहीन टी–२० विश्वकपमा सहभागी हुने नेपाली टिमको विदाइ

तेश्रो नेत्रहीन टी– २० क्रिेकट विश्व कपमा नेपालले सहभागिता जनाउने भएको छ । डिसेम्बर ५ देखि १८ तारिखसम्म हुने प्रतियोगिताका […]

U19 National : लुम्बिनी र सुदूरपश्चिम फाइनलमा

लगातार दोश्रो वर्ष अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेशले प्रतिस्पर्धा गर्ने भएका छन्। प्रतियोगिताको लिग चरणको […]