- विकेटनेपाल-२७ साउन
सिंगापुर अन्तर्राष्ट्रिय क्लब टि-२० प्रतियोगिताको सेमीफाइनलमा प्रवेश गरेको सिंगापुर इमर्जिंग स्टार्सले आइतबार बिहान भारतको मद्रास क्रिकेट क्लबको सामना गर्नेछ l
खेल नेपाली समय बिहान ६:१५ बजे सुरु हुनेछ l प्रत्यक्ष अपडेट यो लिंकमा हुनेछ
मद्रास समुह ‘ए’ बिजेताको रुपमा सेमीफाइनल प्रवेश गरेको हो जसले आज सम्पन्न समुह चरणको ३ वटै खेलमा जित सहित शिर्ष स्थानमा रहँदै सेमीफाइनल यात्रा तय गरेको हो l सिंगापुर इमर्जिंग स्टार्सले भने ३ मध्ये २ खेलमा जित र १ खेलमा हार बेहोर्दै समुह ‘बि’ को उपविजेताको रुपमा सेमीफाइनलमा स्थान बनाएको हो l
समुह ‘बि’ बाट श्रीलंकाको सिन्हालिज स्पोर्ट्स क्लब बिजेताको रुपमा तथा समुह ‘ए’ बाट अस्ट्रेलियाको सिड्नी क्रिकेट ग्राउण्ड ११ उपविजेताको रुपमा सेमीफाइनलमा स्थान बनाएको हो l
पारस खड्का र मेहबुब आलम सेम्मेलित इमर्जिंग स्टार्सलाई मद्रास क्रिकेट क्लब बिरुद्ध जित पक्कै सहज हुने छैन l मद्रासले समुहमा ३ वटा खेल जित्ने क्रममा रोलिन नेसनल क्रिकेट एकेडमीलाई २४ रनले, सिड्नी क्रिकेट ग्राउण्ड टिमलाई ७ विकेटले ( डी/एल मेथड ) , तथा सिंगापुर क्रिकेट क्लबलाई ३१ रनले पराजित गरेको थियो l
आईपीएल खेलीसकेका खेलाडीहरुको वर्चस्व रहेको मद्रास टिममा राइजिंग पुने खेलाडी राहुल त्रिपाठी, कोलकाता, हैदराबाद र डेक्कन चार्जर्सका खेलाडी बिरप्रताप सिंह, मुम्बई इन्डियन्स खेलाडी अलि मुर्तजा, किंग्स-११ पन्जाब तथा सनराइजर्स हैदरावाद खेलाडी बिपुल शर्मा, गुजरात लायन्स खेलाडी आकाशदिप नाथ तथा भारत यु-१९ को लागि खेलीसकेका समित पटेल जस्ता खेलाडी रहेका छन् l
खेलको प्रत्यक्ष अपडेट यो लिंकमा हुनेछ
