- विकेटनेपाल , साउन २८
पारस खड्का र मेहबुब आलमको टिम सिंगापुर इमर्जिंग स्टार्स सिंगापुर अन्तर्राष्ट्रिय क्लब टि-२० प्रतियोगिताको फाइनलमा प्रवेश गरेको छ l
रोमान्चक खेलमा मद्रास क्रिकेट क्लबलाई ६ विकेटले पराजित गर्दै स्टार्स फाइनल प्रवेश गरेको हो l ( स्कोरकार्ड हेर्नुस )
फाइनल खेल आज १२:४५ बजे खेलिनेछ l सिन्हालिज स्पोर्ट्स क्लब र सिड्नी क्रिकेट ग्राउण्ड बीच खेलिने दोश्रो सेमीफाइनलको बिजेताले सिंगापुर स्टार्ससंग फाइनल खेल्नेछ l
टस हारेर पहिले ब्याटिंग गर्दै मद्रासले निर्धारित २० ओभरमा १८५/४ को स्कोर बनाएको थियो l प्रतिउत्तरमा स्टार्सले १९ ओभरमा ४ विकेट मात्र गुमाई लक्ष पुरा गर्यो l
खेलमा पारस खड्काले अलराउण्ड प्रदर्शन गर्ने क्रममा ब्याटिंगतर्फ लक्ष पछ्याउने क्रममा आक्रामक ३६ रन बनाए भने बलिंगमा पनि महत्वपूर्ण १ विकेट हात पारे l उले मात्र २० बलमा २ छक्का र ३ चौका प्रहार गरेका थिए l बलिंगमा पनि पारसले १ विकेट लिंदा मद्रास ओपनर स्वप्निल र रफीको ९१ रनको साझेदारी तोडेका थिए l
१८६ रनको लक्ष पछ्याउने क्रममा चेतन सुर्यबंशीले अविजित ४२ रन तथा अखिल बालचन्द्रले अविजित २३ रन बनाएका थिए l सुर्यबंशीले २९ बलमा ४ चौका र २ छक्का प्रहार गरे भने बालचन्द्रले २ छक्का र १ चौका प्रहार गरे l
चौथो विकेट १३४/४ को स्थितिमा गुमाएपछि पाचौ विकेटको लागि ५५ रनको साझेदारी गर्दै टिमलाई सुर्यबंशी र बालचन्द्रले रोमान्चक जित दिलाएका हुन् l
मद्रासको लागि ओपनर स्वप्निल एस र रफी गोमेजले क्रमशः ५३ र ४० रन योगदान दिएका थिए l यस्तै वासुदेव दासले ४२ रनको योगदान दिए l स्टार्सको लागि अनन्थ कृष्णले २ विकेट दिलाए भने प्रमोध राजाले १ विकेट हात पारे l
