- विकेटनेपाल, २८ साउन
सिंगापुर अन्तर्राष्ट्रिय क्लब टि-२० प्रतियोगिताको उपाधि श्रीलंकाको सिंहालिज स्पोर्ट्स क्लबले जितेको छ l
सिंहालिजले पारस खड्का र मेहबुब आलमले प्रतिनिधित्व गरेको सिंगापुर इमर्जिंग स्टार्सलाई १० विकेटको बिशाल अन्तरले पराजित गरेको हो l
फाइनल खेलमा टस सिंहालिज स्पोर्ट्स क्लबले जितेर सिंगापुर इमर्जिंग स्टारलाई ब्याटिंग गर्ने निम्तो दिएको थियो l
पहिले ब्याटिंग गर्दै इमर्जिंग स्टार्सले १९ ओभरमा सबै विकेट गुमाई १३० बनाउन सकेको थियो l उक्त लक्ष सिंहालिज स्पोर्ट्स क्लबले ८.५ ओभरमा बिना विकेट क्षेतीमा पुरा गरेको हो l
सिंहालिजको लागि एमडी शानाकाले अविजित ६७ तथा मिनोध बानुकाले अविजित ५८ रन बनाए l शानाकाले २८ बलमा ८ छक्का र ३ चौका प्रहार गरे भने बानुकाले २५ बलमा ४ छक्का र ६ चौका प्रहार गरे l
यस अघि पहिलो इनिंगमा स्टार्सको लागि चेतन सुर्यबंशीले सर्बाधिक ४३ तथा चामिन्दा रुवान र अखिल बालचन्द्रले समान २२/२२ रनको योगदान दिएका थिए l
मेहबुब आलम १४ रनमा अविजित रहंदा १० बलमा १ छक्का प्रहार गरे l पारस खड्का भने ० रनमै अख्ताब कडेरको बलमा बोल्ड आउट हुन पुगेका थिए l सिंहालीज स्पोर्ट्स क्लबको लागि अख्ताब कडेर रमेष मेन्डिसले ३/३ विकेट हात पारे भने सचित्रा सेनानायकेले २ विकेट दिलाए l
उपाधि सहित सिंहालीज स्पोर्ट्स क्लबले ५ हजार अमेरिकी डलर हात पार्यो भने उपविजेता सिंगापुर इमर्जिंग स्टार्स २ हजार अमेरिकी डलर हात पार्यो l
