- विकेटनेपाल, माघ १९ – शुक्रबार
बंगलादेश पहिलो पारि – ५१३/१० ; मोमिनुल हक् १७६, सुरंगा लकमल ३/६८, रंगना हेरथ ३/१५०
श्रीलंका पहिलो पारि – ५०४/३ ; कुशल मेन्डिस १९६*,धनन्जय डी सिल्भा १०४* , मुस्ताफिजुर रहमान १/८८
श्रीलंका ९ रनले पछि
बंगलादेश र श्रीलंकाबीच जारि पहिलो टेस्ट क्रिकेटमा बंगलादेशले पहिलो पारिमा ५१३ रन बनाएपछि जवाफमा उत्रिएको श्रीलंकाले मात्र ३ विकेट गुमाउदै ५०४ रन बाएको छ । दोश्रो दिनको समाप्तीमा १८७/१ को स्थितिमा रहेको श्रीलंकाले तेस्रो दिन थप ३१७ रन जोड्दा मात्र २ विकेट गुमाएको छ ।
श्रीलंकाका लागि दोश्रो दिन अविजित १०४ रन बनाएका धनन्जय डी सिल्भाले तेस्रो दिन थप ६९ रन जोड्दै मुस्ताफिजुरको बलमा विकेट किपर लिट्टोन दासको हात बाट समातिएका थिए । १७३ रन बनाएका सिल्भाले २२९ बलमा २१ चौका र १ छक्का प्रहार गरे ।
यस्तै ८३ रनमा अविजित रहेका कुशल मेन्डिसले १९६ रनको पारि खेल्दै ताजुल इस्लामको बलमा मुस्फिकर रहिमको हातबाट समातिएका थिए । ३२७ बलमा २३ चौका र २ छक्का प्रहार गरेका उनि दोहोरो शतकबाट मात्र ४ रनले चुके ।
दिमुथ करुनारत्ने को रुपमा पहिलो विकेट शुन्य रनको स्कोरमा गुमाएको श्रीलंकाका लागि धनन्जय डी शिल्भा र मेन्डिसले मिलेर दोश्रो विकेटका लागि ३०८ रनको साझेदारी गरेका थिए । करुनारत्नेलाई मेहदी हसनले पेभिलियनको बाटो देखाएका थिए ।
शिल्भा आउट भएपछी मेन्डिसले रोशेन शिल्भासँग तेस्रो विकेटको लागि १०७ रनको साझेदारी गरेका थिए ।
तेस्रो दिनको समाप्तीमा श्रीलंकाका लागि रोशेन शिल्भाले ८७ रन (१७३ बल, ५ चौका, १ छक्का) तथा कप्तान दिनेश चण्डीमालले ३७ रन (९० बल, १ चौका) बनाएर खेलिरहेका छन् ।
यसअघि बंगलादेशले मोमिनुल हकले १७६ रन तथा मुश्फिकर रहिम (९२ रन), महामदुल्लाह (८३* रन) र तामिम इकबालले (५२ रन) अर्धशतकीय पारि खेलेपछि ५०४ रनको योगफल तयार पारेको थियो ।
(Pictures: @ICC)
