- विकेटनेपाल, भदौ ४
१५० रन बनाउदा मात्र २ विकेट गुमाएको श्रीलंकाले अर्को ६६ रन बनाउन बाँकी ८ विकेट गुमाएपछि भारतले २१७ रनको लक्ष पाएको छ l
दाम्बुला मैदानमा जारि ५ एकदिवसीयको सिरिजको पहिलो खेलमा टस हारेर पहिले ब्याटिंग गरेको श्रीलंकाको लागि ओपनर निरोशन डिकवेला र दनुश्का गुनथिलाकाले राम्रो सुरुवात दिलाएका थिए l गुनथिलाका १४ औं ओभरमा पहिलो विकेटको रुपमा युजभेन्द्र चाहलको शिकार हुनु अघि ३५ रन बनाएका थिए l
दोश्रो विकेटको लागि डिकवेलाले कुसल मेन्डिससंग ६५ रनको साझेदारी गरेपछि डिकवेला ६४ रनको स्कोरमा केदार जाधबको बलमा एलबिडब्लु शिकार भएका थिए l ७४ बलमा उनले ८ चौका प्रहार गरे l
मेन्डिस ३६ रन बनाएर अक्षर पटेलको बलमा बोल्ड भएपछि २८ औं ओभरमा १५०/३ को स्थितिमा पुगेको श्रीलंकाले त्यसपछि लगातार विकेट गुमाएको थियो l एन्जेलो म्यथुज ३६ रन बनाएर अविजित रहे भने कप्तान वुपुल थरंगा ( १३ ) , चमरा कपुगेद्रा ( १ ) , वानिन्दु हसरंगा ( २ ) रन बनाएर पेभेलियन फर्किएका थिए l
फलस्वरुप ४३.२ ओभरमा श्रीलंकाले सम्पूर्ण विकेट गुमाउन पुग्यो l
भारतीय बलर अक्षर पटेलले सर्बाधिक ३ विकेट ( १०-०-३४-३ ) हात पारे भने केदार जाधब, जस्प्रित बुम्राह र युजभेन्द्र चाहलले समान २/२ विकेट आफ्नो नाम गरेका थिए l
खेलको प्रत्यक्ष अपडेट यो लिंकमा
श्रीलंका यस अघि सम्पन्न ३ टेस्ट म्याचको सिरिजमा ३-० ले पराजित भइसकेको छ l
