- विकेटनेपाल, १२ साउन
श्रीलंका १५४/५ ( म्याथुज ५४*, थारांगा ६४, शामी : ३०/२ ) , भारत ६०० ( धवन १९०, पुजारा १५३, नुवान प्रदिप ६-१३२ ) , श्रीलंका ४४६ रनले पछि ( दोश्रो दिनको समाप्ति )
भारत बिरुद्ध पहिलो टेस्टको दोश्रो दिनको खेल सकिंदा श्रीलंका संघर्षपूर्ण स्थितिमा रहेको छ l
पहिलो इनिंगमा भारतले ६०० रन बनाएपछि ब्याटिंग गरेको घरेलु टिमले पहिलो ५ विकेट गुमाउदा १५४ रन मात्रै बनाउदै पहिलो इनिंगमा भारत भन्दा ४४६ रनले पछि परेको छ l
दोश्रो दिनको खेल सकिदा एन्जेलो म्याथुज ५४ र दिलरुवान परेरा ६ रन बनाएर क्रिजमा छन् l ऊपुल थारांगा ६४ रन बनाउदै दुर्भाग्यपूर्ण रन आउट हुँदा ओपनर करुनारत्ने २, गुनाथिलाका १६, कुशल मेन्डिस ० तथा डिकवेला ८ रनमा पेभेलियन फर्किए l
श्रीलंकालाई खराब स्थितिमा पुर्याउन पेसर मोहम्मद सामीले २ र उमेश यादबले १ विकेट हात पारे भने आश्विनले १ विकेट लिए l
भारतको ६०० रन
यस अघि ३९९/३ को स्थितिमा पहिलो दिनको समाप्ति गरेको भारतले ६०० रनमा सम्पूर्ण विकेट गुमाएको थियो l चेतेश्वर पुजारा १५३ रन बनाएर आउट भए भने अजिंके रहानेले ५७, हार्दिक पाण्डेले ५०, रविचन्द्रन आश्विनले ४७ रन तथा मोहम्मद शामीले ३० रन बनाउदै भारतलाई ठुलो स्कोरतर्फ डोर्याएका थिए l
श्रीलंकाको लागि नुवान प्रदिपले सर्बाधिक ६ विकेट तथा लहिरु कुमाराले ३ विकेट आफ्नो नाम गरे l कप्तान हेराथले १ विकेट हात पारे l
भारतको लागि शिखर धवनले सर्बाधिक १९० रनको योगदान दिएका थिए l
एकै बर्ष सबैभन्दा बढी पटक ६०० रन बनाउने रेकर्ड
भारत ६०० रनमा अलआउट हुने क्रममा एउटा मात्र टिम बन्न पुग्यो जसले एकै बर्ष ५ पटक ६०० वा त्यो भन्दा बढीको योगफल बनाउन सकेको छ l २०१६ डिसेम्बर पछि ५ पटक भारतले ६०० भन्दा बढीको योगफल बनाएको छ l २०१६ पछि ६ पटक मात्र कुनै टिमले ६०० भन्दा बढीको स्कोर बनाउन सकेको छ जसमा १ पटक अस्ट्रेलियाले र ५ पटक भारतले ६०० योगफल नघाउन सकेको छ l
यो पनि पढ्नुस :-
धेरैले पढेको :-
- रोमान्चक फाइनलमा भारतलाई पराजित गर्दै इंग्ल्याण्डलाई महिला बिश्वकपको उपाधि ( फोटो फिचर सहित )
- सन्दिप प्रतियोगिताकै उत्कृस्ट खेलाडी ( प्रदर्शन सुची सहित )
- मोहम्मद आमिरको नजरमा यी ब्याट्सम्यान बिश्वकै उत्कृस्ट
