Sudurpaschim Province vs Gandaki Province Live



टि-२० मा न्युजिल्याण्ड बिश्वकै नं १, वेस्ट इन्डिज सहजै पराजित

  • विकेटनेपाल, १९ पौष  – बुधबार

वेस्ट इन्डिजलाई तेश्रो टि-२० मा ११९ रनको बिशाल अन्तरले पराजित गर्दै न्युजिल्याण्डले ३ खेलको सिरिज २-० ले जितेको छ।

टि-२० अन्तर्राष्ट्रियमा हालसम्मकै बिशाल अन्तरको जित हात पारेको न्युजिल्याण्ड टि-२० अन्तर्राष्ट्रिय वरियताको नम्बर १ स्थानमा उक्लेको छ। पहिलो स्थानमा रहेको पाकिस्तानलाई पछि पार्दै न्युजिल्याण्ड १२६ रेटिंग अंक बटुली पहिलो स्थानमा उक्लेको हो। दोश्रो स्थानमा रहेको पाकिस्तानक १२३ तथा तेश्रो स्थानमा रहेको भारतको १२१ रेटिंग अंक रहेको छ।

कसरि जित्यो न्युजिल्याण्ड 

टस जितेर ब्याटिंग गरेको न्युजिल्याण्डले पहिलो इनिंगमा ५ विकेट गुमाई २४३ रनको बिशाल स्कोर खडा गरेको थियो। न्युजिल्याण्डले टि-२० अन्तर्राष्ट्रियमा बनाएको यो नै सबैभन्दा ठुलो योगफल हो। यो भन्दा अघि उसले अस्ट्रेलियासंग २००९ मा २१४ रन बनाएको थियो।

न्युजिल्याण्डको इनिंगमा कोलिन मुनरोले शतकीय योगदान दिएका थिए। मात्र ५३ बलमा मुनरोले १० छक्का र ३ चौका मदतले १०४ रनको इनिंग खेलेका थिए। टि-२० अन्तर्राष्ट्रियमा तेश्रो शतक पुरा गर्दै नयाँ बिश्वरेकर्ड बनाएका मुनरोले पहिलो विकेटको लागि मार्टिंग गुप्टिलसंग १३६ रनको साझेदारी गरेका थिए। गुप्टिलले ३८ बलमा २ छक्का र ५ चौका मदतले ६३ रन बनाएका थिए। टम ब्रुसले २३ तथा कप्तान केन विलियमसनले १९ रन योगदान दिए।

लक्ष पछ्याउने क्रममा वेस्ट इन्डिजले १२४ रनमै सबै विकेट गुमाएको थियो।तेश्रो नम्बरका आन्द्रे फ्लेचरले सर्बाधिक ४६ रन योगदान दिनु बाहेक अन्य ब्याट्सम्यानले ठुलो स्कोर गर्न सकेनन्। ओपनर क्रिस गेल र चाडविक वाल्टनले खातानै खोल्न सकेनन्।

न्युजिल्याण्ड बलर टिम साउथीले सर्बाधिक ३ विकेट तथा ट्रेन्ट बोल्ट र इश सोढ़ीले २/२ विकेट आफ्नो नाम गरे।

मुनरोको नयाँ बिश्व रेकर्ड 

वेस्ट इन्डिज बिरुद्ध ४७ बलमै शतक पुरा गरेका कोलिन मुनरो टि-२० क्रिकेटमा ३ शतक बनाउने पहिलो ब्याट्सम्यान बनेका छन्। टि-२० अन्तर्राष्ट्रियमा हालसम्म कुनै पनि ब्याट्सम्यानले ३ वटा शतक बनाउन सकेका छैनन्। मुनरोले यस अघि बंगलादेशसंग १०१ तथा भारतसंग १०९ रनको इनिंग खेलेका थिए।

टी-२० अन्तर्राष्ट्रिय क्रिकेटमा सबैभन्दा धेरै शतक बनाउने खेलाडीहरुको सुचिमा मुनरो पछि रोहित शर्मा, क्रिस गेल, ब्रेन्डन म्याकलम, इभिन लुइसको नाममा २/२ अन्तर्राष्ट्रिय शतक रहेका छन्। सन् २०१२ मा न्युजिल्याण्डको लागि पहिलो टि-२० खेलेका ३१ बर्षका मुनरोले आईपीएलमा कोलकाता नाइट राइडर्सको लागि खेलीसकेका छन्।

मुनरोको शतक टाइमलाइन 

१०४ ( ५३ बल, १० चौका , ३ छक्का ) – बिरुद्ध, वेस्ट इन्डिज ( २०१८ )
१०१ ( ५४ बल, ७ चौका, ७ छक्का ) – बिरुद्ध, बंगलादेश ( २०१७ )
१०९* ( ५८ बल, ७ चौका , ७ छक्का ) – बिरुद्ध, भारत ( २०१७ )

 

 

 





थप समाचार

वर्षाले खेल नतिजाविहिन हुँदा नेपाल र नामिबियाले बाँडे अंक ( अंकतालिका सहित )

आईसीसी विश्वकप लिग-२ अनार्गत नामिबियामा जारि त्रिकोणात्मक एकदिवसीय अन्तर्गत नेपाल र आयोजक नामिबिया बीचको खेल वर्षाले प्रभावित हुँदा नतिजाविहिन टुंगिएको […]

U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको […]

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]