- विकेटनेपाल, भदौ १५
श्रीलंकासंग जारि वानडे शृंखला अन्तर्गत चौथो खेलमा टस जितेर ब्याटिंग गरेको भारतको लागि बिराट कोहलीले आक्रामक शतक प्रहार गरेका छन् l
वानडे करियरको २९ औं शतक पुरा गर्दै भारतीय कप्तान कोहलीले धेरै शतक प्रहार गर्ने रेकर्डमा सनथ जयसूर्यालाई पछि पार्दै तेश्रो नम्बरमा उक्लेका छन् l
वानडे क्रिकेटमा सचिन तेन्दुलकरले ४९ वटा शतक तथा रिकी पोंटिंगले ३० शतक प्रहार गरेका छन् l जयसूर्याको २८ शतकलाई पछि पारेका कोहली अब रिकी पोंटिंग भन्दा मात्र १ शतकले पछि रहेका छन् l
२९ शतक प्रहार गर्न कोहलीले १९३ औं खेलमा १८५ इनिंग ब्याटिंग गरेका छन् l ५५ भन्दा माथिको औसत र ९१ भन्दा माथिको स्ट्राईक रेटले रन बनाईरहेका कोहली यही लयमा जाने हो भने सचिन तेन्दुलकरको रेकर्ड पनि तोड्ने आंकलन गरिन थालिएको छ l
मात्र ७६ बलमा शतक पुरा गरेका कोहलीले त्यो क्रममा १४ चौका र १ छक्का प्रहार गरेका थिए l कोहली १३१ रन बनाउदै लासिथ मालिंगाको बलमा आउट हुन पुगेका छन् l ९६ बलको इनिंगमा उनले १७ चौका र २ छक्का प्रहार गरे l
धोनीलाई पछि छोडे
कप्तानको रुपमा बिराट कोहलीले ७ वटा शतक प्रहार गरिसकेका छन् जुन रेकर्डमा धोनीलाई पछि पारेका छन् l भारतको कप्तानको रुपमा कोहलीले वानडेमा ६ वटा शतक बनाएका छन् l भारतको लागि कप्तानको रुपमा सौरभ गांगुलीले ११ वानडे शतक प्रहार गरेका छन् l
श्रीलंका बिरुद्ध कोहलीले हालसम्म ७ वटा शतक प्रहार गरिसकेका छन् l उनि भन्दा अघि सृलानक बिरुद्ध सचिन तेन्दुलकरले ८ शतक प्रहार गर्न सकेका छन् l
https://youtu.be/g3_nP3TjyyM
